maharashtra political crisis: शिवसेनेचे वरिष्ठ नेते एकनाथ शिंदे यांच्या बंडानंतर शिवसेनेनं आक्रमक पवित्रा घेतला आहे. शिंदे यांना आवाहन करणाऱ्या उद्धव ठाकरेंनी आता आव्हानाची भाषा केली आहे. त्यामुळे शिवसेना वि. शिंदेसेना संघर्ष आणखी पेटणार आहे.
हायलाइट्स:
- बंडखोर नेते एकनाथ शिंदेंना तांत्रिक दिलासा
- १६ आमदारांना अपात्र ठरवण्यात येणार नाही
- नहररी झिरवळ यांच्याविरोधात अविश्वास प्रस्ताव
एका बाजूला शिवसैनिक बंडखोरांविरुद्ध रस्त्यावर उतरले आहेत. शिवसेनेकडून मेळावे घेतले जात आहेत. प्रत्यक्ष रस्त्यावर ताकद दाखवण्याचा सेनेचा प्रयत्न आहे. दुसऱ्या बाजूला दोन्ही बाजूंनी तांत्रिक संघर्ष सुरू आहे. आपल्याकडे दोन तृतीयांशपेक्षा जास्त आमदार असल्यानं आपला गट म्हणजेच शिवसेना असा दावा शिंदेंनी केला आहे. दोन तृतीयांश आमदार पक्षाबाहेर पडल्यास ते गट स्थापन करू शकतात. त्यांना पक्षांतरबंदी कायदा लागू शकत नाही याची कल्पना शिवसेनेच्या नेत्यांना आहे. त्यामुळेच त्यांनी १६ आमदारांना नोटिसा बजावून त्यांना अपात्र ठरवण्याच्या हालचाली सुरू केल्या आहेत.
आहेत मतभेद तरी, एकसारखीच रणनीती ठरली; एकनाथ शिंदे आणि ठाकरेंचा ‘सेम टू सेम’ प्लानतब्बल १६ आमदारांना अपात्र ठरवून पक्ष आणि सरकार वाचवण्याचा शिवसेनेचा विचार आहे. आमदारांना अपात्र ठरवण्यासाठी शिवसेनेनं विधानसभेचे उपाध्यक्ष नरहरी झिरवळ यांना पत्र दिलं आहे. या आमदारांना त्यांची बाजू मांडण्यासाठी ४८ तासांचा अवधी असेल. मात्र तीनच दिवसांपूर्वी शिंदे गटानं झिरवळ यांच्याविरोधात अविश्वास प्रस्ताव दाखल केला आहे. त्यामुळे शिंदे गटाला तांत्रिक बाजूंमध्ये अडकवू पाहणारी शिवसेनाच अडचणीत येत असल्याचं पाहायला मिळत आहे.
कुठे आहेत सचिन जोशी? शिंदेंच्या बंडानंतर जोशी चर्चेत; ईडीशी थेट कनेक्शन?कायदेतज्ज्ञांनी दिलेल्या माहितीनुसार, विधानसभा उपाध्यक्षांविरोधात अविश्वास प्रस्ताव आणण्यात असल्यानं त्यांना आता कोणताही तांत्रिक निर्णय घेता येणार नाही. त्यांना कोणत्याही आमदाराला अपात्र ठरवण्यात येणार नाही. तसा निर्णय त्यांनी घेतलाच तर त्यामुळे कायदेशीर पेच निर्माण होईल. मग प्रकरण कोर्टातही जाऊ शकेल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : maharashtra political crisis deputy assembly speaker can not disqualify 16 mlas claims eknath shinde
Marathi News from Maharashtra Times, TIL Network
Marathi News from Maharashtra Times, TIL Network
