शिवसेनेच्या राष्ट्रीय कार्यकारिणीची बैठक शिवसेना भवनात पार पडत आहे. या बैठकीला मुख्यमंत्री उद्धव ठाकरे, पर्यावरण मंत्री आदित्य ठाकरे, खासदार संजय राऊत, मंत्री सुभाष देसाई, खासदार अनिल देसाई, मंत्री अनिल परब, शिवेसेना उपनेत्या नीलम गोऱ्हे यांच्यासह इतर नेतेही उपस्थित होते. याच कार्यकारिणी बैठकीत उद्धव ठाकरे यांनी एकनाथ शिंदे आणि बंडखोर आमदारांवर जोरदार हल्लाबोल केला.
मोठी बातमी: ‘शिवसेना-बाळासाहेब ठाकरे’; एकनाथ शिंदेंच्या गटाचं नाव ठरलं?
बाळासाहेब ठाकरे यांचं नाव वापरु नका. हिम्मत असेल तर स्वत:च्या बापाचं नाव वापरुन मतं मागा. आधी दास होता, आता नाथ झाला, अशा कडक शब्दात उद्धव ठाकरे यांनी एकनाथ शिंदे यांच्यावर टीका केली. बंडखोरांना काय तो निर्णय घेऊ द्या, मग आपण आपली रणनिती ठरवूयात. शिवसैनिकांनी अशीच एकजुट दाखवा. आपण त्यांना धडा शिकवू. शिवसेना निखारा आहे, बंडखोरांनी पाय ठेवला तर जळून जातील, असंही मुख्यमंत्री म्हणाले.
एकनाथ शिंदेंना शिवसेना नेतेपदावरुन हटवण्याच्या हालचाली, पक्षातील अधिकृत १४ नेते कोण?
शिवसेनेचं निवडणूक आयोगाला पत्र
शिवसेना आणि ठाकरे नाव न वापरता जगून दाखवा, असं आव्हान शिवसेनेचे पक्षप्रमुख उद्धव ठाकरेंनी काल बंडखोरांना दिलं. त्यानंतर आज शिंदे गटाचं नाव समोर येत आहे. शिवसेना-बाळासाहेब ठाकरे असं नाव शिंदे गटानं निश्चित केलं आहे. याबद्दलची घोषणा आज संध्याकाळी होण्याची शक्यता आहे. शिंदे गटाच्या भूमिकेनंतर शिवसेना देखील अॅक्शन मोडमध्ये आली आहे. बाळासाहेब ठाकरे यांचं नाव कुणालाही वापरु देऊ नये, अशा आशयाचं पत्र शिवसेनेने निवडणूक आयोगाला पत्र लिहिलं आहे.
