Naresh Mhaske Resigns: नरेश म्हस्के यांचा ठाणे जिल्हाप्रमुखपदाचा राजीनामा; म्हणाले, ”राष्ट्रवादी’ गळचेपीचा निषेध’ – naresh mhaske resigns as shiv senas thane district chief

ठाणे : ठाण्याचे माजी महापौर आणि शिवसेनेचे ठाणे जिल्हाप्रमुख नरेश म्हस्के यांनी आपल्या जिल्हाप्रमुखपदाचा राजीनामा दिला आहे. महाविकास आघाडीसोबत राज्यात सत्ता स्थापन केल्यानंतर गेली अडीच वर्षे शिवसेनेची ‘राष्ट्रवादी’ गळचेपी चालली असून त्याचा निषेध म्हणून आपण जिल्हाप्रमुखपदाचा राजीनामा देत असल्याचे नरेश म्हस्के यांनी म्हटले आहे. (naresh mhaske resigns as shiv senas thane district chief)

माजी महापौर नरेश म्हस्के यांनी शिवसेनेचे पक्षप्रमुख, मुख्यमंत्री उद्धव ठाकरे यांना आपला राजीनामा सादर केला आहे. ते आपल्या राजीनामापत्रात म्हणतात, ‘ भगवे आमचे रक्त तळपते, तप्त हिंदवी बाणा… जात, गोत्र अन धर्म अमुचा शिवसेना, शिवसेना, शिवसेना…! त्यामुळे शिवसैनिक होतो, आहे आणि राहणारच… पण गेली अडीच वर्षे आपल्या संघटनेची ‘राष्ट्रवादी’ गळचेपी चालली आहे. त्याचा निषेध म्हणून आपण जिल्हाप्रमुखपदाचा राजीनामा देत आहोत.’

नरेश म्हस्के यांना शिवसेनेच्या ठाणे जिल्हाप्रमुखपदाचा दिला राजीनामा