maharashtra political crisis: एकनाथ शिंदे यांच्या बंडामुळे शिवसेना अडचणीत आली आहे. आपल्यासोबत ४६ आमदार असल्याचा शिंदे यांचा दावा आहे. शिंदे यांच्या गटात असलेल्या शिवसेनेच्या १५ आमदारांना सीआरपीएफनं संरक्षण दिलं आहे.
हायलाइट्स:
- अमित शाहांकडून महत्त्वाचे आदेश जारी
- १५ आमदारांना वाय दर्जाचं संरक्षण
- सीआरपीएफच्या तुकड्या आमदारांच्या घराबाहेर तैनात
आपल्यासोबत असलेल्या शिवसेनेच्या आमदारांची सुरक्षा राज्य सरकारनं काढून घेतल्याचा दावा एकनाथ शिंदेंनी काल ट्विटमधून केला. मात्र त्यानंतर लगेचच गृहमंत्री दिलीप वळसे पाटील यांनी पत्रकार परिषद घेत कोणाचाही सुरक्षा काढून घेतली नसल्याचं स्पष्ट केलं. यानंतर आता केंद्रानं शिवसेनेच्या १५ बंडखोर आमदारांच्या घरांच्या बाहेर सीआरपीएफचे जवान तैनात केले आहेत. अमित शाहांच्या अखत्यारित येणाऱ्या गृह मंत्रालयानं हा निर्णय घेतला आहे.
शरद पवारांसोबतची ‘ती’ बैठक टर्निंग पॉईंट ठरली; उद्धव ठाकरेंनी रणनितीच बदललीबंडखोर आमदारांविरोधात राज्यभरात शिवसैनिक आक्रमक झाले आहेत. काल दीपक केसरकर यांच्या घरावर हल्ला झाला. तानाजी सावंत यांच्या पुण्यातील कार्यालयाची तोडफोड करण्यात आली. बंडखोरांविरोधात शिवसैनिकांनी आक्रमक पवित्रा घेतल्यानंतर अमित शाहांनी १५ आमदारांच्या निवासस्थानांना संरक्षण पुरवलं आहे. आमदारांच्या घराबाहेर सीआरपीएफची तुकडी तैनात करण्यात आली आहे. आमदार सदा सरवणकर, रमेश बोरनारे, मंगेश कुडाळकर, संजय शिरसाट, लताबाई सोनावणे, प्रकाश सुर्वेसह आणखी ९ जणांच्या घराबाहेर सीआरपीएफचा बंदोबस्त पाहायला मिळत आहे.
मग महाराष्ट्रात स्मशान आहे का?; ‘काय झाडी, काय डोंगार’ म्हणणाऱ्या आमदारावर राऊत भडकलेया सगळ्यामागे भाजपच- अरविंद सावंत
या संपूर्ण कारस्थानामागे भाजप असल्याचं स्पष्ट झालं आहे. कायदा-सुव्यवस्थेचा प्रश्न राज्य सरकारच्या अखत्यारित आहे. मात्र राज्य सरकारवर मुद्दामहून अविश्वास दाखवला जात आहे, अशी टीका सेनेचे खासदार अरविंद सावंत यांनी केली. शिवसेनेविरोधात बोलणाऱ्यांना केंद्र कायम संरक्षण देत आहे. आम्हाला काही म्हणायचं नाही. आणखी ५० जणांना संरक्षण द्या, असं सावंत म्हणाले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : maharashtra political crisis centre grants y-plus crpf cover to 15 rebel shiv sena mlas
Marathi News from Maharashtra Times, TIL Network
Marathi News from Maharashtra Times, TIL Network
