बंडखोर शिंदे गटाच्या व्यूव्हरचनेला निष्पभ्र करण्यासाठी तसेच शिवसेनेची पडझड रोखण्यासाठी शिवसेना पक्षप्रमुख उद्धव ठाकरे, आदित्य ठाकरे, संजय राऊत आणि तमाम शिवसैनिक मैदानात उतरले आहेत. काल शिवसेना भवनात पक्षाची राष्ट्रीय कार्यकारिणीची बैठक संपन्न झाली. या बैठकीत बंडखोर शिंदे गटाविषयी शिवसेनेने आक्रमक भूमिका घेतली. त्यानंतर आज आदित्य ठाकरे आणि संजय राऊत यांच्या प्रमुख उपस्थितीत शिवसेनेचे दोन मेळावे झाले. ज्यानंतर एकनाथ शिंदे यांनी ‘हिंदुत्वाच्या विचारांसाठी आणि बाळासाहेबांची शिवसेना वाचविण्यासाठी आम्हाला मरण जरी आलं तरी बेहत्तर’, अशा आशयाचं ट्विट केलं आहे.
एकनाथ शिंदे यांनी ट्विटमध्ये काय म्हटलंय?
“हिंदुहृदयसम्राट वंदनीय बाळासाहेब ठाकरे यांच्या हिंदुत्वाच्या विचारांसाठी आणि बाळासाहेबांची शिवसेना वाचविण्यासाठी आम्हाला मरण जरी आलं तरी बेहत्तर…. तसे झाल्यास आम्ही सारे आमचं भाग्य समजू”
“मुंबई बाँबस्फोट घडवून निष्पाप मुंबईकरांचा जीव घेणाऱ्या दाऊदशी थेट संबंध असणाऱ्यांना हिंदुहृदयसम्राट वंदनीय बाळासाहेब ठाकरे यांची शिवसेना समर्थन कशी करू शकते…?, असा सवाल त्यांनी संजय राऊत यांना विचारला आहे. तसेच यालाच विरोध म्हणून उचललेलं हे पाऊल असल्याचं सांगत आम्हा सर्वांना मृत्यूच्या दारात घेऊन गेले तरी बेहत्तर..”, असं त्यांनी ट्विटमध्ये म्हटलं आहे.
“कुणी तरी ताकद देत असल्याशिवाय एकनाथ शिंदे इतकं धाडस करणार नाहीत”
काल रात्रीही एकनाथ शिंदे यांनी ट्विट केलं होतं!
“प्रिय शिवसैनिकांनो, नीट समजून घ्या, महाविकास आघाडीचा खेळ ओळखा..! महाविकास आघाडीच्या अजगराच्या विळख्यातून शिवसेना व शिवसैनिकांना सोडवण्यासाठीच मी लढत आहे. हा लढा तुम्हा शिवसैनिकांच्या हिता करीता समर्पित….”, असं त्यांनी काल रात्रीच्या ट्विटमध्ये म्हटलं होतं.
शिवसैनिक प्रचंड शक्तीशाली, लागेल ती कष्ट घेण्याची तयारी, पवारांकडून तोंडभरुन कौतुक
ठाण्यात एकनाथ शिंदे यांच्या समर्थकांचं शक्तीप्रदर्शन
बंडखोर एकनाथ शिंदे यांच्या समर्थनार्थ काल (शनिवारी) ठाण्यात हजारो लोक जमले होते. ‘आम्ही भाई समर्थक’, असे पोस्टर्स कार्यकर्त्यांनी हातात घेतलेले होते. ‘हमारा नेता कैसा हो, एकनाथ शिंदे जैसा हो..’, ‘एकनाथ भाई तुम आगे बढो, हम तुम्हारे साथ हो’, अशा घोषणांनी ठाणे दुमदूमून गेलं होतं. एकनाथ शिंदे यांना समर्थन देण्यासाठी ठाण्याचे माजी महापौर नरेश म्हस्के, शिवसेनेचे अनेक नगरसेवक, सेना पदाधिकारी उपस्थित होते.
