indian bank manager news: प्रेमात झाला वेडा! डेटिंग अॅपवरील प्रेयसीवर बँक मॅनेजर फिदा, खात्यावर पाठवले थेट ५.७ कोटी – indian bank manager transfer rs 6 crore to girlfriend on dating app bengaluru news

बंगळुरू : प्रेमात आपण काहीही करू शकतो. प्रेमाचं भूत चढलं की एखादा काय करेल याचाही नेम नाही. असाच एक प्रकार बंगळुरूमध्ये समोर आला आहे. इथे एका बँक मॅनेजरने प्रेमात असं काही केलं की तुम्ही विश्वास ठेवू शकणार नाही. डेटिंग अॅपद्वारुन प्रेमात पडलेल्या गर्लफ्रेंडसाठी या बँक मॅनेजरने तिच्या खात्यात ग्राहकांचे तब्बल ६ कोटी रुपये ट्रान्सफर केले आहेत. या प्रकरणाची सध्या सोशल मीडियावर जोरदार चर्चा सुरू आहे.

हे प्रकरण पश्चिम बंगळुरूमधील हनुमंतनगर येथील इंडियन बँकेच्या शाखेशी संबंधित आहे. जिथे बँक व्यवस्थापक हरिशंकर यांनी त्यांच्या प्रेयसीला ५.७ कोटी रुपये दिले. ही घटना उघडकीस आल्यानंतर शाखा व्यवस्थापकाला अटक करण्यात आली आहे. इंडियन बँकेच्या प्रादेशिक व्यवस्थापकाच्या तक्रारीवरून स्थानिक पोलिसांनी गुन्हा दाखल केला.

महाराष्ट्र हादरला! ४ महिन्याच्या बाळासह कार ‘हायजॅक’, चिमुकल्यासाठी आई झाली हिरकणी अन्…
सध्या न्यायालयाने आरोपी व्यवस्थापकाला १० दिवसांची पोलीस कोठडी सुनावली आहे. एफआयआरमध्ये बँकेच्या सहायक शाखा व्यवस्थापक आणि लिपिकाच्या नावाचाही समावेश करण्यात आला आहे. पोलीस सूत्रांनी दिलेल्या माहितीनुसार, फसवणुकीची ही घटना १३ ते १९ मे दरम्यान घडली. चौकशीदरम्यान बँकेचे व्यवस्थापक हरिशंकर यांनी सांगितलं की, सायबर गुन्हेगारांनी त्याला डेटिंग अॅप्लिकेशन वापरण्याचं आमिष दाखवलं. मॅनेजरच्या या बोलण्यात कितपत तथ्य आहे? याचा पोलीस तपासात करत असल्याची माहिती आहे.

आरोपी अधिकाऱ्याकडून ग्राहकांच्या कागदपत्रांमध्ये छेडछाड

दाखल केलेल्या एफआयआरनुसार, एका महिला ग्राहकाने बँकेत मुदत ठेव म्हणून १.३ कोटी रुपये जमा केले होते आणि नंतर याच ठेवीच्या आधारे महिलेने ७५ लाखांचे कर्जही घेतले होते. आवश्यक ती सर्व कागदपत्रे ग्राहकाने सादर केल्याचा आरोप आहे. परंतु, आरोपी अधिकाऱ्यांनी कागदपत्रांमध्ये छेडछाड करून त्यांचा सुरक्षा म्हणून वापर केल्याचा आरोप आहे. इतकंच नाहीतर आरोपींनी ओव्हरड्राफ्ट म्हणून ५.७ कोटी रुपये जारी केले.

एकनाथ शिंदे तळ ठोकून असलेल्या गुवाहाटीमधील ‘रेडिसन ब्ल्यू’ हॉटेलचा मोठा निर्णय