Maharashtra political crisis | एकनाथ शिंदे गटाने सोमवारी सर्वोच्च न्यायालयात आपल्या १६ आमदारांना पाठवण्यात आलेल्या अपात्रतेच्या कारवाईविरोधात दाद मागितली होती. यावेळी शिंदे गटाकडून आपल्याला शिवसेनेच्या ३८ आणि १३ अपक्ष आमदारांचा पाठिंबा असल्याचा दावा करण्यात आला होता. सर्वोच्च न्यायालयाने या प्रकरणाची पुढील सुनावणी ११ जुलैपर्यंत लांबवणीवर टाकली आहे. मात्र, यादरम्यान शिंदे गटाकडून राज्यपाल भगतसिंह कोश्यारी यांना आपल्या गटाने महाविकास आघाडी सरकारचा पाठिंबा काढल्याचे पत्र दिले जाऊ शकते.
हायलाइट्स:
- फेसबुक पोस्टवर विरोधकांच्या तिखट प्रतिक्रिया
- फेसबुक अकाऊंटवरील कमेंटचा ऑप्शनच बंद
- विरोधकांचा रोष टाळण्यासाठी एकनाथ शिंदे यांनी हे पाऊल उचलल्याची चर्चा
अनेक फेसबुक पोस्टवर विरोधकांच्या तिखट प्रतिक्रिया पाहायला मिळत होत्या. परंतु, एकनाथ शिंदे यांनी आता आपल्या फेसबुक अकाऊंटवरील कमेंटचा ऑप्शनच बंद केल्याची माहिती आता पुढे आली आहे. त्यामुळे अनेक नेटकरी यावरुन एकनाथ शिंदे यांना सवाल विचारत आहेत. गेल्या काही तासांमध्ये एकनाथ शिंदे यांच्या फेसबुक अकाऊंटवरुन करण्यात आलेले फेसबुक लाईव्ह असो किंवा एखादी पोस्ट असो, या सर्व ठिकाणी प्रतिक्रिया व्यक्त करण्याचा पर्याय उपलब्ध नाही. शिवसैनिकांचा रोष टाळण्यासाठी एकनाथ शिंदे यांनी हे पाऊल उचलल्याची चर्चा आहे.
एकनाथ शिंदे गटाने सोमवारी सर्वोच्च न्यायालयात आपल्या १६ आमदारांना पाठवण्यात आलेल्या अपात्रतेच्या कारवाईविरोधात दाद मागितली होती. यावेळी शिंदे गटाकडून आपल्याला शिवसेनेच्या ३८ आणि १३ अपक्ष आमदारांचा पाठिंबा असल्याचा दावा करण्यात आला होता. सर्वोच्च न्यायालयाने या प्रकरणाची पुढील सुनावणी ११ जुलैपर्यंत लांबवणीवर टाकली आहे. मात्र, यादरम्यान शिंदे गटाकडून राज्यपाल भगतसिंह कोश्यारी यांना आपल्या गटाने महाविकास आघाडी सरकारचा पाठिंबा काढल्याचे पत्र दिले जाऊ शकते. यावेळी एकनाथ शिंदे गटाकडून विधानसभेत बहुमत चाचणी घेण्याची मागणी होऊ शकते. ही बाब भाजपच्या पथ्यावर पडू शकते. कारण, विधानसभेतील बहुमत चाचणीत शिंदे गट भाजपला थेट पाठिंबा न देता गैरहजर राहिला तरी बहुमताचा आकडा हा १२५ पर्यंत खाली येऊ शकतो. स्वत:चे १०६ आमदार आणि अपक्षांचे पाठबळ असलेला भाजप हा आकडा सहजपणे गाठेल, अशी शक्यता आता राजकीय वर्तुळात व्यक्त केली जात आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Marathi News from Maharashtra Times, TIL Network
