Sanjay Raut | बहुमत चाचणीच्या निर्णयाला आम्ही सुप्रीम कोर्टात आव्हान देणार असल्याचंही संजय राऊत यांनी स्पष्ट केलं आहे. ‘१६ आमदारांना अपात्र करण्यासंदर्भातील विषय सुप्रीम कोर्टात प्रलंबित असताना बहुमत चाचणी घेणे बेकायदेशीर आहे. याविरोधात आम्ही सुप्रीम कोर्टात दाद मागणार आहोत,’ अशी माहिती संजय राऊत यांनी दिली आहे. राज्यपालांनी जे विशेष अधिवेशन बोलावले आहे, ते कायद्याला धरून नाही.
हायलाइट्स:
- मी पक्षाची भूमिका आणि शिवसैनिक म्हणून कडवटपणे बोलत आहे
- महाराष्ट्राचे तुकडे करण्याची योजना आहे
- एकनाथ शिंदे हे माझे निकटचे सहकारी आहेत, मित्र आहेत
यावेळी बंडखोर आमदारांनी त्यांच्याविषयी उपस्थित केलेल्या नाराजीविषयी संजय राऊत यांना प्रतिक्रिया विचारण्यात आली. यावर संजय राऊत यांनी म्हटले की, ठीक आहे, मी आजपासून बोलायचं थांबतो. पण मी पक्षाची भूमिका आणि शिवसैनिक म्हणून कडवटपणे बोलत आहे.महाराष्ट्राचे तुकडे करण्याची योजना आहे, त्याविरोधात बोलत आहे. आता याचा त्यांना त्रास होत असेल तर ठीक आहे. एकनाथ शिंदे हे माझे निकटचे सहकारी आहेत, मित्र आहेत. मी काय आहे हे त्यांना माहिती आहे आणि मी ते काय आहेत, हे मला माहिती आहे.आदित्य ठाकरे आमच्यावर टीका करतात, असे म्हणून चालणार नाही. हे चुकीचं आहे. आदित्य ठाकरे हे पक्षाचे नेते आहेत, शिवसैनिकांचा उद्रेक झालाय,आदित्य ठाकरे त्यांच्यासोबत बोलणारच, असे संजय राऊत यांनी म्हटले.
‘त्यांना फक्त वेडी आशा आहे हो’, शिवसेनेसोबत चर्चेचे दरवाजे आता बंद झालेत: केसरकरबहुमत चाचणीच्या आदेशाला शिवसेना सुप्रीम कोर्टात आव्हान देणार
बहुमत चाचणीच्या निर्णयाला आम्ही सुप्रीम कोर्टात आव्हान देणार असल्याचंही संजय राऊत यांनी स्पष्ट केलं आहे. ‘१६ आमदारांना अपात्र करण्यासंदर्भातील विषय सुप्रीम कोर्टात प्रलंबित असताना बहुमत चाचणी घेणे बेकायदेशीर आहे. याविरोधात आम्ही सुप्रीम कोर्टात दाद मागणार आहोत,’ अशी माहिती संजय राऊत यांनी दिली आहे. राज्यपालांनी जे विशेष अधिवेशन बोलावले आहे, ते कायद्याला धरून नाही. अनिल परब, अनिल देसाई आणि अरविंद सावंत आमची कायदेशीर बाजू सांभाळत आहेत. उद्या बंडखोर आमदारांना मुंबईत येऊ दे, मग बघू, असे संजय राऊत यांनी म्हटले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : shivsena leader sanjay raut about floor test in maharashtra and objections of rebel eknath shinde
Marathi News from Maharashtra Times, TIL Network
Marathi News from Maharashtra Times, TIL Network
