Maharashtra political crisis | एकनाथ शिंदे यांनी बुधवारी गुवाहाटीत प्रसारमाध्यमांशी संवाद साधला. यावेळी त्यांनी म्हटले की, आम्ही उद्या मुंबईत पोहोचणार आहोत. मुंबईत गेल्यानंतर मी बाळासाहेब ठाकरे यांच्या स्मृतीस्थळाला भेट देणार आहे. आम्हाला कोणी रोखू शकत नाही, अशा शब्दांत एकनाथ शिंदे यांनी आपला निर्धार व्यक्त केला. त्यामुळे आता उद्या मुंबईत काय घडणार, याची उत्सुकता सर्वांना लागली आहे.

 

Eknath Shinde Breaking
एकनाथ शिंदे

हायलाइट्स:

  • मुंबई पोलिसांकडून तयारीला सुरुवात झाली आहे
  • हिंसक घटना किंवा आंदोलन टाळण्यासाठी संपूर्ण शहरातील बंदोबस्त वाढवला जात आहे
  • उद्याच्या बहुमत चाचणीसाठी विधिमंडळ परिसरातही तयारीला वेग
मुंबई: शिवसेनेचे तब्बल ३९ आमदार फोडून पक्षनेतृत्त्वाला जबर धक्का देणाऱ्या एकनाथ शिंदे यांनी आणखी एक महत्त्वाचा निर्णय घेतला आहे. एकनाथ शिंदे गट गेल्या सोमवारी शिवसेनेपासून फुटून वेगळा व्हायला सुरुवात झाली होती. या बंडाच्या सुरुवातीपासूनच एकनाथ शिंदे गटाकडून बाळासाहेब ठाकरे हेच आमचे दैवत असल्याचा दावा केला जात आहे. त्यानंतर शिंदे गटाकडून संपूर्ण शिवसेना (Shivsena) आणि धनुष्यबाण ही पक्षाची निशाणीही आमचीच आहे, असा दावा करण्यात आला होता. त्यानंतर आता एकनाथ शिंदे (Eknath Shinde) यांनी बाळासाहेबांच्या हिंदुत्त्वाशी असलेली आपली नाळ कायम असल्याचे दाखवून देण्यासाठी एक महत्त्वाचा निर्णय घेतला आहे. एकनाथ शिंदे आणि शिवसेनेचे बंडखोर आमदार हे गुरुवारी मुंबईत दाखल होणार आहेत. मुंबईत दाखल झाल्यानंतर एकनाथ शिंदे हे थेट शिवाजी पार्क येथील बाळासाहेब ठाकरे (Balasaheb Thackeray) यांच्या स्मृतीस्थळावर जाणार आहेत. शिवसेनेत फूट पाडल्यामुळे अनेक शिवसैनिक सध्या एकनाथ शिंदे यांच्यावर संतापले आहेत. त्यामुळे आता एकनाथ शिंदे बाळासाहेबांच्या स्मृतीस्थळाचे दर्शन घेण्यासाठी शिवाजी पार्कवर गेल्यास त्याठिकाणी राडा होण्याची शक्यता आहे.

एकनाथ शिंदे यांनी बुधवारी गुवाहाटीत प्रसारमाध्यमांशी संवाद साधला. यावेळी त्यांनी म्हटले की, आम्ही उद्या मुंबईत पोहोचणार आहोत. मुंबईत गेल्यानंतर मी बाळासाहेब ठाकरे यांच्या स्मृतीस्थळाला भेट देणार आहे. आम्हाला कोणी रोखू शकत नाही, अशा शब्दांत एकनाथ शिंदे यांनी आपला निर्धार व्यक्त केला. त्यामुळे आता उद्या मुंबईत काय घडणार, याची उत्सुकता सर्वांना लागली आहे.

भाजप घटनेच्या चिंधड्या करतंय, आम्ही सुप्रीम कोर्टात जाऊ | संजय राऊत

मुंबईतील घडामोडींना वेग

राज्यपाल भगतसिंह कोश्यारी यांनी मुंबई पोलिसांना शिवसेनेच्या बंडखोर आमदारांना सुरक्षा पुरवण्याचे आदेश दिले आहेत. त्यादृष्टीने मुंबई पोलिसांकडून तयारीला सुरुवात झाली आहे. हिंसक घटना किंवा आंदोलन टाळण्यासाठी संपूर्ण शहरातील बंदोबस्त वाढवला जात आहे. उद्याच्या बहुमत चाचणीसाठी विधिमंडळ परिसरातही तयारीला वेग आला आहे. तर शिवसेना आणि राष्ट्रवादीच्या गोटातही हालचालींना वेग आला आहे. शिवसेना आणि राष्ट्रवादीच्या आमदारांना ट्रायडंट हॉटेलमध्ये ठेवले जाणार आहे. आज सकाळीच शरद पवार यांचे निवासस्थान असलेल्या सिल्व्हर ओकवर महाविकास आघाडीच्या नेत्यांची बैठक झाली होती. मात्र, या बैठकीला शिवसेनेचे नेते उपस्थित नव्हते. शिवसेना आणि राष्ट्रवादी काँग्रेसकडून शेवटच्या क्षणापर्यंत लढण्याचा निर्धार व्यक्त करण्यात आला आहे. त्यामुळे आता महाविकास आघाडी शेवटच्या क्षणी एखादा चमत्कार करुन आपली सत्ता राखणार का, हे पाहावे लागेल. मात्र, संख्याबळाचा विचार करता ही शक्यता फारच धुसर आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : shiv sena rebel leader eknath shinde will come into mumbai also visit balasaheb thackeray samadhi memorial
Marathi News from Maharashtra Times, TIL Network

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here