पुणे : महाविकास आघाडी प्रचार शिवसेना पक्ष आपल्यासाठी महत्त्वाचा आहे. आपण कुटुंब प्रमुख या नात्याने बंडखोर आमदार आणि इतर सर्वांच्या भावना लक्षात घ्याव्यात आणि महाविकास आघाडीतून बाहेर पडावं, असं आवाहन माजी राज्यमंत्री विजय शिवतारे यांनी मुख्यमंत्री उद्धव ठाकरे यांना केलं आहे. पुणे येथील पत्रकार भवनात आयोजित पत्रकार परिषदेत शिवतारे बोलत होते.

शिवतारे म्हणाले की, उद्धव साहेबांचे नेतृत्व सर्व सामान्य आहे. त्यांच्या सज्जनपणाचा गैरफायदा घेत राष्ट्रवादीने शिवसेना संपवण्यासाठी प्रयत्न केले. पुणे जिल्ह्यात सोमेश्वर कारखाना, पीएमआरडीए समिती, जिल्हा बँक अशा तीन निवडणूका झाल्या. तिन्ही निवडणुकीत राष्ट्रवादीने शिवसेनेला बाजूला ठेवले. याचाच अर्थ जिल्ह्यात शिवसेना संपवण्याचे पद्धतशीर प्रयत्न झाले आहेत. पुरंदर आंतरराष्ट्रीय विमानतळाला बारामतीला पळवलं, गुंजवणी धरणाचे पाणी बारामतीला पळवण्याचा ठराव मंजूर करण्यात आला, पुरंदर तालुक्यातील दिवे येथील प्रस्तावित असलेल्या राष्ट्रीय बाजारही राष्ट्रवादीने रद्द करण्यात यशवंत सहकारी साखर कारखान्याची जागा निश्चित केली. हवेली तालुक्यातील फुरसुंगी-उरुळी पाणी नियोजन सडवली, महापालिकेची वॉर्ड रचना राष्ट्रवादीला अनुकूल करून घेताना सेनेच्या सूचनांना केराची टोपले दाखवली गेली. प्रचंड त्रास देऊन राष्ट्रवादीने जिल्ह्यात सेना संपवण्याचा जणू विडाच उचलला आहे, असं म्हणत विजय शिवतारे यांनी राष्ट्रवादीवर तोफ डागली.

मविआ नको म्हणून सेना आमदारांची बंडखोरी, काँग्रेस राष्ट्रवादीत काम केलेले नेतेच शिंदेंच्या गटात
‘तुम्ही संजय राऊतांना आवरा’

बंड झाल्याच्या पहिल्या दिवसापासून स्वतः मुख्यमंत्री समन्वयाचा भूमिकेत आहे. तर दुसर्‍या बाजूला संजय राऊत मात्र रोज उठून बंडखोरांना आव्हान देत आहेत. असंसदीय भाषा वापरत आहेत. पक्ष एकसंध राहावा ही भावना त्यांच्या एकंदरीत वर्तनातून दिसत नाही. त्यांना आवरावे अशी माझी उद्धव ठाकरेंना विनंती, असं देखील विजय शिवतारे यावेळी म्हणाले.

‘राष्ट्रवादीच्या त्रासाने आढळराव बेजार झाले’

शिरूरचे माजी खासदार शिवाजीराव आढळराव पाटील हे तीन वेळा पक्षाचे खासदार राहिलेले आहेत. मात्र, ते देखील राष्ट्रवादीच्या त्रासाने बेजार झाले आहेत. ‘आम्हाला केवळ जगू द्या’, असं आवाहन करण्याची वेळ राष्ट्रवादीने त्यांच्यावर आणली आहे. ही बाब चीड आणणारी आहे. अशी स्थिती इतर लोकप्रतिनिधी आणि पदाधिकार्‍यांची आहे. त्यामुळे महाविकासा आघाडीतून बाहेर पडून शिवसेनेनं हे आपलं कुटुंब टिकवण्यासाठी प्राधान्य द्यायला हवं. महाविकास आघडीचा हट्ट पक्षाने कायम ठेवल्यास आम्ही महाविकास आघाडीत राहू इच्छित नाहीत. असा ठराव पुरंदर तालुका कार्यकारणी, सर्व जिल्हा परिषद, सदस्य पंचायत समिती, सदस्य आणि शिवसैनिकांनी केला असल्याचे विजय शिवतारे यांनी सांगितले.

‘शिवसेनेला संपवण्याचा राष्ट्रवादीचा डाव, पण ठाकरे काही पवारांना सोडेनात’
एकनाथ शिंदे यांनी भूमिका घेतली आहे ती संघटनेसाठी आहे. राष्ट्रवादी आणि काँग्रेसबरोबर जाऊ नका अशी विनंती एकनाथ शिंदे आणि त्यांच्या बरोबर असलेल्या सर्व जणांनी उद्धव ठाकरेंना केली होती. दुर्दैवाने एकनाथ शिंदे यांच्या भूमिकेला दाद मिळाली नाही, अशी खंतही शिवतारेंनी बोलून दाखवली. शिवसेना प्रमुख उद्धव ठाकरे हे सज्जन आहेत पण त्यांना घेरलं आहे. आम्ही बाळासाहेबांचेच शिवसैनिक आहोत. मात्र, आम्ही महविकासआघाडी बरोबर नाहीत. ५१ आमदारांनी सांगितल्यानंतर महाराष्ट्रातील लोकांना समजत नाहीये की काय होणार?. आमचं म्हणणं एकच आहे की राष्ट्रवादी आणि काँग्रेसला सोडा. आमदार सुरतला गेल्यानंतर मी व्हॉट्सॲपवरुन मी उद्धव ठाकरे, आदित्य ठाकरे, वरुण सरदेसाई यांना पत्र दिलं होतं. पण मला रिस्पॉन्स आला नाही. मी मला करोना झाला आहे, म्हणून मी आज तुमच्या समोर आलो. ५१ आमदार यांच्यावर कारवाई झाली तर ५२ वा मी असेल. ही आज जी वेळ आली आहे ती संजय राऊत यांच्यामुळे आली आहे.

मुख्यमंत्र्यांचा एक्झिट प्लॅन ठरला? पुन्हा शिवसेना-भाजप युती सरकारची नांदी

LEAVE A REPLY

Please enter your comment!
Please enter your name here