मुंबई: विधानभवात होऊ घातलेल्या बहुमत चाचणीसाठी एकनाथ शिंदे यांच्यासह शिवसेनेतील सर्व बंडखोर आमदार गुरुवारी मुंबईत उपस्थित राहणार आहेत. या बंडखोर आमदारांच्या सुरक्षेसाठी केंद्रीय राखीव सुरक्षा दल अर्थात CRPF चे २००० जवान मुंबईत दाखल झाले आहेत. केंद्र सरकारने तीन विशेष विमानांनी सीआरपीएफच्या जवानांना मुंबईत पाठवले आहेत. या मुद्द्यावरुन शिवसेना नेते संजय राऊत (Sanjay Raut) हे प्रचंड संतापले आहेत. बंडखोर आमदारांना सुरक्षा पुरवण्यासाठी, आम्हाला हरवण्यासाठी आणि बहुमताचा प्रस्ताव मंजूर करवून घेण्यासाठी महाराष्ट्रात हजारोंच्या संख्येने सैन्य दाखल झाले आहे. संयुक्त महाराष्ट्राच्या चळवळीवेळीही राज्यात अशाप्रकारे सैन्य मागवण्यात आले नव्हते, अशी टीका संजय राऊत यांनी केली. ते बुधवारी मुंबईत प्रसारमाध्यमांशी बोलत होते. (Floor Test in Maharashtra)

यावेळी संजय राऊत यांनी केंद्र सरकारकडून सुरु असलेल्या दडपशाहीचा मुद्दा उपस्थित केला. केंद्राच्या आदेशाने आज सकाळपासून शिवसेनेच्या लोकांना नोटीशी पाठवल्या जात आहेत. कालपासून माझ्यासारख्या माणसाला अटक व्हावी, मला तुरुंगात टाकण्यासाठी केंद्रीय यंत्रणेच्या माध्यमातून प्रयत्नांची पराकाष्ठा केली जात आहे. मात्र, तुम्हाला बाळासाहेबांची शिवसेना अशाप्रकारे सहजासहजी संपवता येणार नाही. अशी अनेक आव्हानं पचवून शिवसेना उभी राहिली आहे, असे संजय राऊत यांनी ठणकावून सांगितले.
Maharashtra Floor Test: सुप्रीम कोर्टात सिंघवींचा बिनतोड युक्तिवाद, एकनाथ शिंदे गटाची ‘ती’ मोठी चूक पकडली
‘मी काही बोललो तर बंडखोरांना जिव्हारी लागतं, पण मुख्यमंत्रीही आज तेच बोलले’

शिवसेनेतील बंडखोर आमदारांकडून संजय राऊत यांच्या जहाल वक्तव्यांबद्दल तीव्र नाराजी व्यक्त करण्यात आली होती. याच मुद्द्यावर संजय राऊत यांना छेडले असता त्यांनी म्हटले की, मी त्यांच्याविषयी काहीही बोलणार नाही. मी जेव्हा बोलतो तेव्हा त्यांच्या जिव्हारी लागतं. पण मुख्यमंत्री उद्धव ठाकरे यांनी आज व्यथित अंत:करणाने तीच भावना व्यक्त केली. मी बंडखोरांना बेईमान बोलतो, उद्धव ठाकरे यांनी बंडखोरांनी दगा दिल्याचे म्हटले. उद्धव ठाकरे यांच्या पाठीत बंडखोर आमदारांनी खंजीर खुपसला आहे. पण उद्धव ठाकरे हे पळपुटे नाही, ते शेवटच्या क्षणापर्यंत लढतील, असे संजय राऊत यांनी म्हटले.

औरंगाबादचं उस्मानाबादचं नामांतर, नवी मुंबईच्या विमानतळाचं नामकरण,ठाकरे कॅबिनेटचे मोठे निर्णय
‘अडीच वर्ष खूप चांगलं सहकार्य केलं, काही चुकलं असेल तर माफ करा’

अडीच वर्षांपूर्वी संकटाच्या काळात तीन वेगवेगळ्या विचारांचे पक्ष एकत्रित आले. महाविकास आघाडीच्या सरकारने खूप चांगलं काम केलं. लोकांची सेवा केली. यादरम्यान काँग्रेस आणि राष्ट्रवादीच्या लोकांकडून खूप चांगलं सहकार्य लाभलं. अधिकाऱ्यांनी चांगली साथ दिली. पण माझ्याच लोकांनी मला धोका दिला, याचं दु:ख आहे. काही चुकलं असेल तर माफ करा, असं म्हणत मुख्यमंत्री उद्धव ठाकरे यांनी कॅबिनेट बैठकीतून एक्झिट घेतली.ठाकरे सरकारचं काऊंटडाऊन सुरु असताना सलग दुसऱ्या दिवशी कॅबिनेट बैठक पार पडली. या कॅबिनेट बैठकीत तीन नामांतराचे मोठे निर्णय घेण्यात आले.

LEAVE A REPLY

Please enter your comment!
Please enter your name here