maharashtra political crisis: गेल्या १० दिवसांपासून सुरू असलेल्या सत्ता नाट्याची अखेर आज झाली आहे. एकनाथ शिंदे यांच्या बंडामुळे अल्पमतात असलेलं सरकार अखेर कोसळलं. मुख्यमंत्री उद्धव ठाकरेंनी जनतेशी संवाद साधत राजीनाम्याची घोषणा केली.

 

devendra and uddhav
उद्धव ठाकरे आणि देवेंद्र फडणवीस

हायलाइट्स:

  • उद्धव ठाकरेंकडून मुख्यमंत्रिपदाचा राजीनामा
  • राज्यातील मविआ सरकार कोसळलं
  • १० दिवसांपासून सुरू असलेलं सत्तानाट्य संपलं
मुंबई: गेल्या १० दिवसांपासून सुरू असलेल्या सत्तानाट्याचा शेवट झाला आहे. एकनाथ शिंदे यांच्या बंडखोरीमुळे सुरू झालेल्या सत्तानाट्याची अखेर मुख्यमंत्री उद्धव ठाकरेंच्या राजीनाम्यानं झाली आहे. शिंदे गटानं ३९ आमदारांसह बंड पुकारल्यानं महाविकास आघाडी सरकार अल्पमतात आलं. राज्यपाल भगतसिंह कोश्यारी यांनी सरकारला बहुमत सिद्ध करण्यास सांगितलं. त्याविरोधात शिवसेनेनं सर्वोच्च न्यायालयात धाव घेतली. मात्र न्यायालयाचा निर्णय विरोधात गेल्यानं उद्धव ठाकरेंनी मुख्यमंत्रिपदाचा राजीनामा दिला.

ज्यांना सगळं काही दिलं, तेच नाराज झाले. मात्र शिवसैनिक खंबीरपणे पाठिशी उभा आहे. ज्या बाळासाहेबांनी अनेकांना राजकीय जन्म दिला, त्याच बाळासाहेबांच्या मुलाला सत्तेतून खाली खेचून कोणाला आनंद मिळणार असेल, तर त्यांना तो आनंद त्यांना उपभोगू द्या, अशा शब्दांत उद्धव ठाकरेंनी बंडखोरांवर भाष्य केलं. बंडखोरी करणारे ज्यांच्यासोबत गेले आहेत, त्यांचं उद्या सरकार येईल. बंडखोर जल्लोष करतील. त्यांना अडवू नका. त्यांना त्यांचा आनंद साजरा करू द्या. त्यांच्यावर विश्वास ठेवला ही माझी चूक. त्याची फळ मी भोगतोय. पण शिवसेना यातूनही भरारी घेईल, असा विश्वास ठाकरेंनी बोलून दाखवला.
Uddhav Thackeray Resigns: मुख्यमंत्रिपदाचा त्याग करतोय, उद्धव ठाकरे यांचा राजीनामा
जाता-जाता फडणवीसांना टोला
मी मुख्यमंत्रिपदासोबतच विधान परिषदेच्या सदस्यत्वाचाही राजीनामा देत आहे. ठाकरे कुटुंबाला कधीच पदाचा मोह नव्हता, तो आजही नाही. मी विधान परिषदेच्या सदस्यत्वाचादेखील राजीनामा देत आहे. कारण मी पुन्हा येईन असं मी कधी बोललोच नव्हतो. तरीही मी आलो होतो. जिथं मला जायचंच नव्हतो, तिथे मी गेलो होतो. आता मी तुमचा आहे. तुमच्यासोबत आहे. माझ्यासोबत असलेल्या मंत्रिमंडळाचे, राष्ट्रवादी आणि काँग्रेसच्या सर्व आमदारांचे मी आभार मानतो, असं ठाकरे म्हणाले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : maharashtra political crisis uddhav thackeray resign as cm takes dig at devendra fadnavis
Marathi News from Maharashtra Times, TIL Network

LEAVE A REPLY

Please enter your comment!
Please enter your name here