maharashtra political crisis: गेल्या १० दिवसांपासून सुरू असलेल्या सत्ता नाट्याची अखेर आज झाली आहे. एकनाथ शिंदे यांच्या बंडामुळे अल्पमतात असलेलं सरकार अखेर कोसळलं. मुख्यमंत्री उद्धव ठाकरेंनी जनतेशी संवाद साधत राजीनाम्याची घोषणा केली.
हायलाइट्स:
- मुख्यमंत्र्यांनी विधिमंडळात राजीनामा द्यायला हवा होता- चव्हाण
- मुख्यमंत्रिपद न मिळाल्यानं शिंदे नाराज होते- चव्हाण
- अपेक्षाभंग झाल्यानं शिंदे नाराज झाले- चव्हाण
ज्या काँग्रेस, राष्ट्रवादीविरुद्ध इतकी वर्षे लढलो, त्याच पक्षांसोबत काम कसं करायचं, लोकांना कसं सामोरं जायचं, असे प्रश्न शिंदेंनी विचारले. त्यावर चव्हाण यांनी भाष्य केलं. शिंदे यांचा राग काँग्रेस, राष्ट्रवादीवर नव्हता. शिवसेनेकडे मुख्यमंत्रिपद आलं. मात्र आपल्याला ते मिळालं नाही. त्यामुळे ते नाराज होते, असं चव्हाण यांनी सांगितलं. बाळासाहेब ठाकरे शिवसेनेचे प्रमुख असताना त्यांनी मनोहर जोशी यांना मुख्यमंत्रिपद दिलं होतं. त्याचप्रमाणे पक्षाच्या वाट्याला आलेलं मुख्यमंत्रिपद आपल्याला मिळेल, अशी आशा त्यांना होती. मात्र तसं काही होऊ शकलं नाही, असं चव्हाण यांनी सांगितलं.
Uddhav Thackeray Resigns: जाता जाता मुख्यमंत्री उद्धव ठाकरेंचा राज्यपाल कोश्यारींना शालजोडीतला टोलाएकनाथ शिंदे यांना मुख्यमंत्रिपदाची अपेक्षा होती. मात्र शरद पवारांनी वेगळी भूमिका घेतली. सत्ता स्थापनेवेळी मुख्यमंत्रिपदासाठी आदित्य ठाकरे, एकनाथ शिंदे यांची नावं चर्चेच होती. मात्र काँग्रेस, राष्ट्रवादीत अनेक वरिष्ठ नेते असल्यानं पवारांनी ठाकरेंना मुख्यमंत्री होण्यास सांगितलं. काँग्रेस, राष्ट्रवादीत अनेक वरिष्ठ नेते असल्यानं त्यांना ज्युनियर मुख्यमंत्र्यांसोबत काम करणं कठीण जाईल, अशी भूमिका पवारांनी घेतली. त्यामुळे शिंदेंना मुख्यमंत्री होता आलं नाही, असं चव्हाण यांनी सांगितलं.
माजी मुख्यमंत्री म्हणाले, बाहेरुन पाठिंबा देतो, ठाकरेंनी सांगितला धक्कादायक किस्सामुख्यमंत्र्यांनी विधिमंडळाला संबोधित करून राजीनामा द्यायला हवा होता. अखेरपर्यंत लढायला हवं होतं, असं चव्हाण म्हणाले. पण आपली इतकी माणसं आपल्याला सोडून गेली, याचा धसका त्यांनी घेतला. त्यामुळे त्यांनी शेवटपर्यंत लढत दिली नाही. फेसबुक लाईव्हवरून राजीनामा देणं आणि विधिमंडळात राजीनामा देणं यात फरक असतो. विधिमंडळातलं भाषण रेकॉरवर राहतं, असं चव्हाण यांनी म्हटलं.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : maharashtra political crisis eknath shinde was not upset with congress and ncp days prithviraj chavan
Marathi News from Maharashtra Times, TIL Network
Marathi News from Maharashtra Times, TIL Network
