CM Uddhav Thackeray resigns | गेल्या १० दिवसांच्या सत्ता नाट्याचा अंक आता संपुष्टात आला आहे. मुख्यमंत्री उद्धव बाळासाहेब ठाकरे यांनी अखेर आपल्या पदाचा राजीनामा दिला आहे. शिंदे गटाने ३९ आमदारांसह बंड पुकारल्याने ठाकरे सरकार अल्पमतात आले. राज्यपाल भगतसिंग कोश्यारी यांनी सरकारने बहुमत सिद्ध करावे असं सांगितलं. त्याविरोधात शिवसेनेने सर्वोच्च न्यायालयात धाव घेतली होती. पण सर्वोच्च न्यायालयाने बहुमत चाचणीला स्थगिती देण्यास नकार दिला.

 

हायलाइट्स:

  • सुप्रिया सुळे यांचा आज वाढदिवस आहे
  • काल रात्री सुप्रिया सुळे यांनी आपल्या कुटुंबीयांसह केक कापून आनंद साजरा केला
  • महाराष्ट्राच्या राजकारणात इतकी मोठी उलथापालथ होऊनही त्यांच्या कुटुंबीयांनी सुप्रिया सुळे यांच्या वाढदिवसाचा आनंद आवर्जून साजरा केला
मुंबई:उद्धव ठाकरे यांनी मुख्यमंत्रीपदाचा राजीनामा दिल्यानंतर बुधवारचा दिवस महाराष्ट्राच्या राजकारणात चर्चेचा ठरला होता. काल रात्री मुख्यमंत्री उद्धव ठाकरे (CM Uddhav Thackeray) यांनी फेसबुक लाईव्हच्या माध्यमातून आपण मुख्यमंत्रीपद आणि विधानपरिषद सदस्यत्त्वाचा राजीनामा देत असल्याची घोषणा केली. त्यानंतर शिवसेना आणि महाविकास आघाडीच्या गोटात एकच शांतता पसरली होती. परंतु, त्यानंतर काहीवेळातच राष्ट्रवादी काँग्रेसच्या खासदार सुप्रिया सुळे (Supriya Sule) यांचे सेलिब्रेशन करतानाचे फोटो सोशल मीडियावर व्हायरल झाल्याने चर्चांना उधाण आले होते. मात्र, थोड्याचवेळात या सगळ्याचा उलगडा झाला. (NCP MP Supirya Sule Birthday)

सुप्रिया सुळे यांचा आज वाढदिवस आहे. त्यामुळे काल रात्री सुप्रिया सुळे यांनी आपल्या कुटुंबीयांसह केक कापून आनंद साजरा केला. यावेळी त्यांचे पती सदानंद सुळे आणि त्यांची दोन्ही मुले उपस्थित होती. महाराष्ट्राच्या राजकारणात इतकी मोठी उलथापालथ होऊनही त्यांच्या कुटुंबीयांनी सुप्रिया सुळे यांच्या वाढदिवसाचा आनंद आवर्जून साजरा केला. त्यामुळेच सोशल मीडियावर त्यांच्या वाढदिवसाची कधी नव्हे इतकी चर्चा रंगली होती.
‘उद्धव ठाकरे मुख्यमंत्री म्हणून दीर्घकाळ स्मरणात राहतील’; जयंत पाटलांनी व्यक्त केल्या भावना
गेल्या १० दिवसांच्या सत्ता नाट्याचा अंक आता संपुष्टात आला आहे. मुख्यमंत्री उद्धव बाळासाहेब ठाकरे यांनी अखेर आपल्या पदाचा राजीनामा दिला आहे. शिंदे गटाने ३९ आमदारांसह बंड पुकारल्याने ठाकरे सरकार अल्पमतात आले. राज्यपाल भगतसिंग कोश्यारी यांनी सरकारने बहुमत सिद्ध करावे असं सांगितलं. त्याविरोधात शिवसेनेने सर्वोच्च न्यायालयात धाव घेतली. मात्र, न्यायालयाचा निर्णय ठाकरे सरकारच्या बाजूने न लागल्याने उद्धव ठाकरेंवर राजीनामा देण्याची नामुष्की आली. त्यासोबतच त्यांनी विधानपरिषद सदस्यत्वाचाही राजीनामा दिला.
मुख्यमंत्रिपद सोडलं, स्टेअरिंग स्वतःकडेच, तेजस बाजूला, कार चालवत ठाकरे राजभवनात
जाता जाता मुख्यमंत्री उद्धव ठाकरेंचा राज्यपाल कोश्यारींना शालजोडीतला टोला

उद्धव ठाकरे (Maharashtra CM Uddhav Thackeray Resigns) यांनी आपल्या शेवटच्या फेसबुक लाईव्हमध्ये राज्यपाल भगतसिंह कोश्यारी (Bhagat Singh Koshyari) यांना त्यांच्या खास शैलीत टोला लगावला होता. न्यायदेवतेने आपल्याला बहुमत सिद्ध करण्याचा निकाल दिला. राज्यपालांनी आपल्याला दिलेल्या आदेशाचे पालन करण्यास सर्वोच्च न्यायालयाने सांगितले आहे. राज्यपालांना धन्यवाद, आपण लोकशाहीचा मान राखलात, आपल्याकडे पत्र दिल्याबरोबर तुमही तातडीने २४ तासांच्या आत आम्हाला फ्लोअर टेस्ट करायला सांगितली. त्याबरोबरीने मला तुम्हाला आठवण करून द्यायची आहे. लोकशाहीचे पालन हे झालंच पाहिजे. विधानपरिषदेच्या १२ सदस्यांची यादी गेल्या अडीच वर्षांपासून लटकून राहिली आहे. या यादीला आतातरी मंजुरी द्यावी. जेणेकरून तुमच्याविषयीचा आमच्या मनातील आदर द्विगुणित होईल, असे उद्धव ठाकरे यांनी म्हटले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ncp supriya sule birthday celebration after cm uddhav thackeray resigns
Marathi News from Maharashtra Times, TIL Network

LEAVE A REPLY

Please enter your comment!
Please enter your name here