मुंबई: महाराष्ट्रात आता सत्तानाट्याचा पुढचा अंक पाहायळा मिळणार आहे. गेल्या काही दिवसांपासून महाराष्ट्रात सुरू असलेल्या सत्तानाट्यातील पहिल्या अंकाचा शेवट बुधवारी रात्री मुख्यमंत्री उद्धव ठाकरे यांच्या राजीनाम्यानं झाला. शिवसेना नेते व मंत्री एकनाथ शिंदे यांच्या बंडामुळं सत्तासंघर्ष पेटला होता.

उद्धव ठाकरे यांनी मुख्यमंत्रिपद व विधान परिषद आमदारकीचा राजीनामा देत असल्याची घोषणा केली व आघाडी सरकार कोसळलं. यानंतर सिनेसृष्टीतील अनेक कलाकारांनी यावर प्रतिक्रिया दिली आहे. मराठी अभिनेते किरण माने यांनी देखील या सर्व सत्तानाट्यावर मत व्यक्त केलंय.
‘तुमचं काम चांगलं; ‘चाणक्य’ लाडू खात असले तरी…’,अभिनेत्याकडून ठाकरेंचं कौतुक तर फडणवीसांना टोला

किरण माने यांनी उद्धव ठाकरे यांचं कौतुक करताना भलीमोठी पोस्ट शेअर केली आहे. या पोस्टमध्ये त्यांनी गेल्या रात्री आलेला एक अनुभव शेअर केलाय. तर उद्धव ठाकरे यांच्या राजीनाम्यामुळं झालेलं दु:ख देखील व्यक्त केलं आहे.

काय म्हणाले किरण माने?
सत्यघटना सांगतो. सातार्‍याजवळ खिंडवाडी नांवाचं एक छोटं गांव आहे. तिथं एका मित्राकडं काल मी जेवायला गेलो होतो. पोटापुरतं कमावणं आणि हातातोंडाशी गाठ घालणं यापलीकडं दुनियादारीशी संबंध नाय. खूप दिवसांनी जमीनीवर मांडी ठोकून जेवायला बसलो, आन् ‘ती’ बातमी दिसली.

कोणाचा विश्वास बसनार नाही, पण तुम्ही राजीनामा दिलात हे कळल्यावर, त्या घरातला एकेक माणूस हळहळला. च् च् च् च् असे आवाज आले. काहीजणांच्या डोळ्यांत पाणी आलेलं मी काल माझ्या डोळ्यांनी पाहिलं घरातल्या तरण्या लोकांपासून म्हाताऱ्यापर्यंत प्रत्येकाच्या तोंडात एकच वाक्य होतं ‘चांगला मानूस होता!
तुमचा प्रवास सहजसुंदर आणि निर्मळ होता; उद्धव ठाकरेंच्या राजीनाम्यानंतर अभिनेत्यानं व्यक्त केल्या भावना
उद्धवजी, खरं सांगू? मला खूप आनंद झाला. का ते नंतर सांगतो.. पण तुमच्या आयुष्यात जे घडलं, ते नवीन नाही. राजकारणात तर ‘कॉमन’ गोष्ट आहे.

असं बरंच काही किरण माने यांनी त्यांच्या पोस्टमध्ये लिहिलं आहे.

वाचा त्यांची संपूर्ण पोस्ट
https://www.facebook.com/photo/?fbid=10225486861586017&set=a.3508579880783

LEAVE A REPLY

Please enter your comment!
Please enter your name here