मुंबई : आपल्याच जीवलगांनी धोका दिल्याची खंत पण शिवसैनिक मुख्यमंत्रीपदाच्या खुर्चीवर बसणार हे बाळासाहेब ठाकरे यांचं स्वप्न पूर्ण केल्याचं समाधान व्यक्त करत उद्धव ठाकरे यांनी काल रात्री कठीण परिस्थितीत मुख्यमंत्रिपदाचा तसेच विधान परिषद सदस्यत्वाचा देखील राजीनामा दिला. मुख्यमंत्र्यांनी फेसबुक लाईव्हमध्ये अतिशय भावनिक पण तितकचं कणखर भाषण केलं. त्यांच्या या भाषणाची देशभर चर्चा होतीये. त्यांचं भाषण पाहत असताना अनेक जणांच्या डोळ्यात अश्रू होते. अनेक जणांना आपल्या भावना अनावर झाल्या होत्या. सोशल मीडियावर तर उद्धव ठाकरे यांच्या कौतुकाचे हजारो मेसेज होते. बहुतांश जणांच्या स्टेटसला उद्धव ठाकरेंचाच फोटो होता, शिवाय त्यांच्याविषयी स्वत:ची ‘मन की बात’ होती. दरम्यान, उद्धव ठाकरेंविषयी लोकांच्या मनातील आस्था सांगणार एक ऑडिओ कॉल व्हायरल होतोय.

एक चिमुकला आपल्या वडिलांसोबत उद्धव ठाकरेंचं सरकार कसं कोसळलं, आता पुढे काय होणार, कुणाचं सरकार येणार, यावर चर्चा करतो आहे. यावेळी उद्धव ठाकरेंच्या मुख्यमंत्रिपदावरुन जाण्याची वेदना चिमुकल्याच्या आवाजात स्पष्ट दिसत आहे. त्यावर त्याचे वडिलही हे राजकारण आहे रे बेटा, इथे असंच होतं, असं समजावत आहेत. दरम्यान, आपण उद्धव ठाकरेंना भेटायला जायचं का? असा प्रश्न चिमुकला आपल्या वडिलांना विचारत आहे. त्यावर लवकरच आपण मुंबईला जाऊन उद्धव ठाकरेंची भेट घेऊ, असं चिमुकल्याचे वडील त्याला म्हणतात

हृदयाचा ठाव घेणारा Audio Call

चिमुकला : हॅलो अब्बा, उद्धव ठाकरे साहेबांनी राजीनामा दिला
वडील : हो बेटा, उद्धव साहेबांनी राजीनामा दिला
चिमुकला : अब्बा, आता कसं होणार?
वडील : उद्धवसाहेब नाहीत तर आता अवघड आहे
चिमुकला : आता आपण काय करायचं
वडील : आपण काय करायचं तेव्हा, उद्धवसाहेबांसोबत राहायचं
चिमुकला : जे काय घडलं ते खूप चुकीचं घडलं, अब्बा
वडील : हो ना बेटा… गद्दार लोकांमुळे झालं सगळं
चिमुकला : काल मम्मी रडत होती
वडील : मम्मी रडत होती होय…? सगळ्यांनाच वाईट वाटलंय, पण काय करणार, राजकारण आहे हे
चिमुकला : उद्धवसाहेबांना भेटायला जायचं का?
वडील : हो जाऊ ना, मुंबईला भेटायला जाऊयात त्यांना
चिमुकला : वाईट झालं अब्बा
वडील : हो बेटा खूप वाईट झालं
चिमुकला : मी त्यांचं स्टेटस ठेवलं होतं
वडील : हो बेटा, मी पण ठेवलं होतं… बेटा आपण उद्धवसाहेबांना सोडून नाही जायचं
चिमुकला : अब्बा, ते पुन्हा येतील काय
वडील : हो बेटा येतील ना
चिमुकला : अब्बा, आता कुणाचं सरकार येईल
वडील : देवेंद्र फडणवीस, दुसरं कोण तेव्हा
चिमुकला : मग तर भाजपचं सरकार येईल
वडील : हो ना, भारतीय जनता पार्टी…जाऊ दे उद्धवसाहेब येतील पुन्हा…
चिमुकला : बरं अब्बा, करतो बंद फोन..
वडील : बरं बरं… ठेव..

‘प्रत्येकवेळी राज ठाकरेंचं नुकसान केलंत, आम्हाला उद्धव ठाकरेंविषयी तिळमात्र सहानुभूती नाही’
उद्धव ठाकरे यांच्याविषयी सहानुभूतीची प्रचंड लाट

उद्धव ठाकरे यांनी आपल्या ट्रेडमार्क स्टाईलमध्ये म्हणजे फेसबुक लाईव्ह करत मुख्यमंत्री म्हणून जनतेशी अखेरचा संवाद साधला. यावेळी उद्धव ठाकरे यांनी थोडीफार खोचक टीकाटिप्पणी वगळता अत्यंत संयतपणे आपली भूमिका मांडली. उद्धव ठाकरे यांच्या या कृतीचे सोशल मीडियावर प्रचंड कौतुक आहे. पक्षात बंडाळी माजली असताना आणि मुख्यमंत्रीपद सोडतानाही उद्धव ठाकरे यांनी आपला तोल जराही ढळून दिला नाही. त्यामुळे उद्धव ठाकरे यांना सत्तेतून पायउतार व्हावे लागले असले तरी त्यांच्याविषयी जनमानसात सहानुभूतीची एक प्रचंड लाट निर्माण झाल्याचे चित्र आहे.

LEAVE A REPLY

Please enter your comment!
Please enter your name here