शिवसेनेतील ३९ आमदारांना घेऊन एकनाथ शिंदे यांनी बंड केलं. उद्धव ठाकरेंनी काल राजीनामा दिल्यानंतर आज देवेंद्र फडणवीस यांनी एकनाथ शिंदे हे मुख्यमंत्री होत असल्याचं जाहीर केलं. आता उद्धव ठाकरे कोणती भूमिका घेणार हा प्रश्न निर्माण झाला आहे.
हायलाइट्स:
- एकनाथ शिंदे मुख्यमंत्री
- देवेंद्र फडणवीसांची घोषणा
- उद्धव ठाकरेंच्या भूमिकेकडे लक्ष
एकनाथ शिंदे यांना मुख्यमंत्रिपद देत भाजपची खेळी
उद्धव ठाकरे यांनी काल मुख्यमंत्रिपदाचा राजीनामा दिल्यानंतर सोशल मीडियात सहानुभूतीची लाट निर्माण झाली होती. बाळासाहेब ठाकरे यांनी शिवसैनिकाला मुख्यमंत्री करण्याचं स्वप्न पाहिलं होतं. एकनाथ शिंदे यांच्या बंडानंतर उद्धव ठाकरेंनी मुख्यमंत्रिपद मिळणार असेल तर खुशाल जावा, असं म्हटलं होतं. आदित्य ठाकरे, संजय राऊत यांनी सेनेतून बंडखोरी करणाऱ्या आमदारांविरोधात आक्रमक भूमिका घेतली होती. सेनेतील आमदार भाजपनं फोडले, भाजप या बंडामागं असल्याचा आरोप करण्यात येत होता. आता थेट भाजपनं एकनाथ शिंदे यांना मुख्यमंत्रिपद दिल्यानं उद्धव ठाकरेंसमोर नवा पेच निर्माण झाला आहे.
CM Eknath Shinde: देवेंद्र फडणवीसांचं धक्कातंत्र, एकनाथ शिंदे होणार मुख्यमंत्री
शिवसैनिक मुख्यमंत्री, उद्धव ठाकरेंपुढे पेच
उद्धव ठाकरे यांनी एका फेसबुक लाईव्ह मधून मुख्यमंत्री होणार असाल तर खुशाल जावा म्हटलं होतं. शिवसेना खासदार संजय राऊत यांनी देखील भाजपसोबत जाऊन गुलामी करावी लागेल, असं म्हटलं होतं. आम्ही सत्तेच्या पाठीमागं नाही आहोत, ही तत्त्वाची लढाई आहे, हिंदुत्त्वाची लढाई आहे. एकनाथ शिंदे मुख्यमंत्री होतील, असं देवेंद्र फडणवीस यांनी जाहीर केलं. आता शिवसैनिक मुख्यमंत्री झाला आहे. शिवसेनेला मुख्यमंत्रिपद मिळालं आहे. त्यामुळं ज्या १६ जणांची आमदारकी रद्द करण्यासाठी केलेली कारवाई मागं घेण्याचा निर्णय उद्धव ठाकरे घेणार का हे पाहावं लागेल.
ना फडणवीस, ना चंद्रकांतदादा, शिंदे-भाजप युतीमागे तिसराच शिल्पकार
भाजपशी पुन्हा जुळवून घेणार?
भाजप आणि शिवसेनेमध्ये २०१९ मध्ये मुख्यमंत्रीपदावरुन वाद झाला होता. शिवसेना, राष्ट्रवादी काँग्रेस आणि काँग्रेसनं एकत्र येत सत्ता स्थापन केली होती. उद्धव ठाकरेंनी मुख्यमंत्री म्हणून अडीच वर्षांचा कार्यकाळ पूर्ण केला आहे. सेनेच्या बंडखोर आमदारांच्या भाजपच्या आमदारांच्या पाठिंब्यावर काँग्रेस आणि राष्ट्रवादीला बाहेर ठेवत शिवसैनिकाला भाजपनं मुख्यमंत्री केलं आहे. उद्धव ठाकरे काँग्रेस राष्ट्रवादीची साथ सोडून भाजपशी जुळवून घेतात की वेगळी भूमिका घेतात हे थोड्याच दिवसांमध्ये स्पष्ट होईल.
फलंदाज फडणवीसांचा फोटो ट्विट; भाजपनं सांगितलं पुढचं टार्गेट, शिवसेनेला सर्वात मोठा धक्का?
एकनाथ शिंदेंनी घेतली देवेंद्र फडणवीस यांची भेट, आज सायंकाळी होणार शपथविधी
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : eknath shinde will be new chief minister of maharashtra now shivsena chief uddhav thackeray will take which stand
Marathi News from Maharashtra Times, TIL Network
Marathi News from Maharashtra Times, TIL Network
