मुंबई : एकनाथ शिंदे हे महाराष्ट्राचे नवे मुख्यमंत्री होणार, अशी घोषणा भाजपचे नेते देवेंद्र फडणवीस यांनी केली आहे. आज संध्याकाळी सात वाजता एकनाथ शिंदे मुख्यमंत्रीपदाची शपथ घेतील, अशी माहिती फडणवीसांनी दिली. यावेळी त्यांनी पत्रकार परिषदेत (Eknath Shinde & Devendra Fadnavis Press Conference) काय मुद्दे मांडले, वाचा सविस्तर…

शिंदे-फडणवीसांच्या पत्रकार परिषदेतील महत्त्वाचे मुद्दे…
– २०१९ च्या विधानसभा निवडणुकीत भाजप शिवसेनेची युती होती
– भाजप १०५ शिवसेना ५६ जागा अशा १६१ जागा आणि अपक्ष असे १७० जण होते. अपेक्षा होती की सेना-भाजप युती होईल. पंतप्रधानांनी तशी घोषणा केली. मात्र, निकालानंतर तेव्हाचे आमचे मित्र शिवसेना आणि नेत्यांनी वेगळा निर्णय घेतला
– बाळासाहेबांनी नेहमी ज्यांचा विरोध केला अशा काँग्रेस-राष्ट्रवादीसोबत युती केली आणि भाजपला बाहेर ठेवलं, हा जनादेशाचा अपमान होता
– जनतेने महाविकास आघाडीला नाही, तर युतीला मत दिलं होतं.
– अडीच वर्षात पायाभूत सुविधांना जागा मिळाली नाही प्रचंड भ्रष्टाचार झाला. महाराष्ट्राच्या इतिहासात दोन मंत्री भ्रष्ट्चारात जेलमध्ये गेले, मनी लाँड्रिंगसाठी जेलमध्ये जाणं ही खेदजनक बाब
– शेवटच्या दिवशी संभाजीनगर झालं, पण राज्यपालांचं पत्र आलं, त्यानंतर कुठलीच कॅबिनेट घ्यायची नसते. विश्वासमत होईपर्यंत कॅबिनेट घ्यायची नसते
– संभाजीनगर, धाराशिव, दिबा पाटील ते निर्णय पुन्हा घ्यावे लागणार आहेत, पण त्याला आमचं समर्थनच आहे.

रिक्षाचालक ते महाराष्ट्राचे मुख्यमंत्री; वाचा एकनाथ शिंदेंची संघर्षकथा
– एकनाथ शिंदे हे शिवसेनेचे गटनेते. शिवसेनेची कुंचबणा, हिंदुत्वावर मतं मागायची कशी, कुठल्या भरोशावर लढायचं, आमच्याच मतदारसंघात हरलेल्या विरोधकांना निधी मिळाला
– उद्धव ठाकरेंनी शेवटपर्यंत त्यांचीच कास धरुन ठेवली आणि आमदारांचं ऐकलं नाही
– महाराष्ट्राला पर्यायी सरकार द्यायची गरज होती
– सरकार पडलं की निवडणुका होतील का, असं विचारलं जायचं . लोकांच्या डोक्यावर आम्ही निवडणुका लादणार नाही
– शिंदेंच्या नेतृत्वात शिवसेना आमदारांचा गट, भाजप आमदार, १६ छोटे पक्षांचे आमदार एकत्र. आम्ही सत्तेच्या मागे नाही, ही तत्त्वं, हिंदुत्व, विचारांची लढाई
– एकनाथ शिंदेंना भाजप समर्थन देईल आणि ते मुख्यमंत्री होतील
– साडेसात वाजता एकट्याचा शपथविधी

Maharashtra New CM Eknath Shinde: देवेंद्र फडणवीसांचं धक्कातंत्र, एकनाथ शिंदे होणार मुख्यमंत्री

LEAVE A REPLY

Please enter your comment!
Please enter your name here