Sanjay Raut ED probe in Mumbai | संजय राऊत यांनी सकाळीच ट्विट करून ही माहिती दिली आहे. ईडीने पाठवलेल्या समन्सचा मी आदर करतो आणि केंद्रीय तपासयंत्रणांना सहकार्य करणे हे माझे कर्तव्य आहे. मी चौकशीला गेल्यानंतर शिवसैनिकांनी ‘ईडी’च्या कार्यालयाबाहेर गर्दी करु नये, असे आवाहनही संजय राऊत यांनी ट्विटमधून केले होते. ही चौकशी राजकीय हेतूने प्रेरित आहे किंवा नाही, हे नंतर समोर येईल. पण मी एका निष्पक्ष यंत्रणेसमोर जात आहे, असा विश्वास मला असल्याचे संजय राऊत यांनी सांगितले.

 

मी आयुष्यात कधीही चुकीचं वागलो नाही, ईडीच्या चौकशीला बेडरपणे सामोरा जाणार- राऊत
मी आयुष्यात कधीही चुकीचं वागलो नाही, ईडीच्या चौकशीला बेडरपणे सामोरा जाणार- राऊत

हायलाइट्स:

  • पत्रावाला चाळ प्रकरणातील आर्थिक गैरव्यवहाराची चौकशी
  • संजय राऊत हे शुक्रवारी सकाळी ईडीच्या दक्षिण मुंबईतील कार्यालयात चौकशीसाठी हजर
  • माझा केंद्रीय तपास यंत्रणांवर विश्वास आहे
मुंबई: मी निर्भर आणि बेडर व्यक्ती आहे. कारण, मी आयुष्यात कधीच चुकीचं काम केलेलं नाही. त्यामुळे मी निर्भयपणे आणि बेडरपणे ईडीच्या चौकशीला सामोरा जाणार असल्याचे वक्तव्य शिवसेना नेते संजय राऊत यांनी केले. संजय राऊत (Sanjay Raut) यांना ईडीने पत्रावाला चाळ प्रकरणातील आर्थिक गैरव्यवहाराची चौकशी करण्यासाठी समन्स बजावले होते. त्यानुसार संजय राऊत हे शुक्रवारी सकाळी ईडीच्या (ED) दक्षिण मुंबईतील कार्यालयात चौकशीसाठी हजर झाले. यावेळी त्यांच्या समर्थनार्थ या परिसरात शिवसैनिकांनी गर्दीही केली होती. तेव्हा संजय राऊत यांनी प्रसारमाध्यमांशी संवाद साधला. (Shivsena leader Sanjay Raut probe)

यावेळी संजय राऊत यांनी म्हटले की, माझा केंद्रीय तपास यंत्रणांवर विश्वास आहे. माझा काहीच गुन्हा नसल्याने मी अतिशय बेडरपणे चौकशीला सामोरे जातो आहे. माझ्यात ती हिंम्मत आहे. या देशाचा एक नागरिक म्हणून, राज्यसभेचा सदस्य म्हणून तपास यंत्रणेच्या चौकशीला निर्भयपणे सामोरे जाणे हे माझं कर्तव्य आहे. मी पळपुटा नाही. ही चौकशी राजकीय हेतूने प्रेरित आहे किंवा नाही, हे नंतर समोर येईल. पण मी एका निष्पक्ष यंत्रणेसमोर जात आहे, असा विश्वास मला असल्याचे संजय राऊत यांनी सांगितले. आता ईडी संजय राऊत यांची किती तास चौकशी करणार, हे पाहावे लागेल. या चौकशीअंती संजय राऊत यांच्यावर काही कारवाई होणार का, हे पाहावे लागेल. काही दिवसांपूर्वीच शिवसेनेचे नेते अनिल परब यांचीही ईडीकडून चौकशी करण्यात आली होती.

‘ईडीने संजय राऊतांना चौकशीला का बोलावले?’

ईडीने संजय राऊत यांना पत्राचाळ प्रकरणात चौकशी करण्यासाठी समन्स पाठवले आहे. यापूर्वी एप्रिल महिन्यात ईडीने पत्राचाळ प्रकरणातच संजय राऊत यांच्या मुंबई आणि अलिबाग येथील मालमत्ता जप्त केल्या होत्या. यामध्ये संजय राऊत यांच्या मुंबईतील राहत्या घराचाही समावेश होता. गोरेगावमधील पत्राचाळ जमीन प्रकरणात १०३४ कोटी रुपयांचा घोटाळा झाल्याचा आरोप आहे. यापैकी काही पैसे संजय राऊत यांना मिळाल्याचा आरोप आहे. याच पैशातून संजय राऊत यांनी अलिबागमध्ये भूखंड खरेदी केल्याचा दावा करण्यात आला होता. या भूखंडांची किंमत साधारण ६० लाखांच्या आसपास असल्याचे सांगितले जाते. तसेच स्थानिक लोकांना धमकावून हे भूखंड कमी पैशात खरेदी करण्यात आले, असाही आरोप आहे. पत्राचाळ जमीन घोटाळा प्रकरणात संजय राऊत यांचे निकटवर्यीय मित्र प्रवीण राऊत यांनाही ईडीने अटक केली होती. त्यांच्या चौकशीत समोर आलेल्या माहितीच्याआधारे ईडीने संजय राऊत यांच्या संपत्तीवर टाच आणली होती.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : shiv sena leader sanjay raut arrives at the ed office in mumbai in connection with the patra chawl land scam case
Marathi News from Maharashtra Times, TIL Network

LEAVE A REPLY

Please enter your comment!
Please enter your name here