‘काळजी घेणारे मुख्यमंत्री’ म्हणत रितेशने मानले ठाकरेंचे आभार
एकनाथ शिंदे यांनी भाजपच्या पाठिंब्यावर राज्याचे मुख्यमंत्री म्हणून तर देवेंद्र फडणवीस यांनी उपमुख्यमंत्री म्हणून काल राजभवनात शपथ घेतली. राज्यातील या सर्व घडामोडींवर अभिनेत्री कंगना रणौत (Kangana Ranaut) हिनं भाष्य करत नवनिर्वाचित मुख्यमंत्री एकनाथ शिंदे यांचे अभिनंदन करणारी खास पोस्ट सोशल मीडियावर शेअर केली आहे.
कंगना रणौतची पोस्ट
कंगना रणौत सोशल मीडियावर प्रचंड सक्रिय असते. ती राजकीय- सामाजिक घडामोडींवर भाष्य करणाऱ्या पोस्ट शेअर करत असते. यावरून अनेकदा तिला ट्रोल केले जाते परंतु त्यानंतरही कंगना तिचं मत सोशल मीडियावरून मांडतच असते. आता देखील राज्यात सुरू असलेल्या राजकीय घडामोडींवर ती सातत्याने पोस्ट शेअर करत होती. आता एकनाथ शिंदे यांनी मुख्यमंत्री पदाची शपथ घेतल्यानंतर त्यांचं अभिनंदन करणारी पोस्ट शेअर केली आहे.
अमृता यांनी आधीच दिले होते देवेंद्र फडणवीस मुख्यमंत्री होणार नसल्याचे संकेत?
कंगनानं तिच्या इन्स्टाग्राम स्टोरीवर एकनाथ शिंदे यांचा फोटो शेअर केला आहे. हा फोटो शेअर करत तिनं लिहिलं आहे की,’ ही यशाची प्रेरणादायी कहाणी आहे. ऑटो रिक्षा चालक ते देशातील सर्वात शक्तिशाली व्यक्ती बनण्यापर्यंत. अभिनंदन सर.’ दरम्यान, त्याआधी कंगनानं उद्धव ठाकरे यांच्यावर टीका करणारा व्हिडिओ शेअर केला होता. हा व्हिडिओ शेअर करताना तिनं पोस्ट लिहिली. त्यात तिनं म्हटलं होतं की, ‘जेव्हा पाप वाढतं तेव्हा सर्वनाश होतो. त्यानंतरच सृजनाला सुरुवात होते.’
