अकोला : अकोला जिल्ह्यातील सोनखास – मोझर वनपरिसरात एक पट्टेदार वाघ मृतावस्थेत आढळून आला आहे. हा घातपात आहे की वाघाचा नैसर्गिक मृत्यू आहे. याबाबत शंका उपस्थित केल्या जात आहे. दरम्यान, गेल्या सहा महिन्यांपूर्वी राष्ट्रवादीच्या पदधिकाऱ्यांनी जिल्ह्यातील याच परिसरात वाघाचा वावर असून यासंदर्भात अनेकदा वनविभागांना माहीती दिली होती. मात्र, वनविभागाने हे प्रकरण गांभीर्याने घेतले नाही. त्यानंतर या वाघाचा दुर्देवी मृत्यू झाला आहे. आता वाघाच्या मृत्यूप्रकरणी वनविभागाच जबाबदार असा आरोप वन्यप्रेमी करीत आहेत तर विधान परिषद आमदार अमोल मिटकरींनी उपवनसंरक्षकांना पत्र देत प्रकरण अत्यंत गंभीर आहे. सखोल चौकशी करा आणि अहवाल सादर करा, अशी पत्राद्वारे मागणी केली आहे.

जिल्ह्यातील बार्शीटाकळी तालुक्यातील आसपास असलेल्या गावांमध्ये वाघाचे दर्शन घडत आहे. तर जवळा शेतशिवारात वाघ दिसल्याचा व्हिडिओ गावकऱ्यांनी काढला असल्याची माहिती अकोला वनविभागाला दिली. त्यानंतर वनविभागाने वाघ शोधण्याचा प्रयत्न केला. मात्र, या शोधमोहिमेत वनविभागाला यश आलं नाही. परिणामी, परिसरात भीतीचे वातावरण पसरले. तरीही आपल्या परिसरात वाघ नसल्याचा दावा वनविभाने केला होता. मात्र, आता जवळा परिसराच्या अगदी दहा किमी अंतरावरच असलेल्या सोनखास – मोझर वनपरिसरातील नदीच्या काठावर वाघाचा मृतदेह आढळून आला. दरम्यान, हा घातपात आहे की वाघाचा नैसर्गिक मृत्यू आहे? याबाबत शंका उपस्थित केल्या जात आहेत. या वाघाच्या अंगावर कुठल्याही जखमा नसल्याचं दिसून येत आहे.

उमेश कोल्हेंची हत्या, पण दरोड्याचा बनाव रचला; राणांचे यशोमती ठाकूरांवर गंभीर आरोप
४ ते ५ वर्षाचा होता वाघ…

वन विभागाला घटनास्थळ गाठले आणि तपास सुरु केला. सद्यस्थितीत या वाघाचं शवविच्छेदन केलं असून वैद्यकीय अहवाल अजून मिळाला नाहीये. या वाघाचं वय सुमारे चार ते पाच वर्ष आहे. अशी माहिती वनपरिक्षेत्र अधिकारी सुरेश वळोदे यांनी ‘मटा ऑनलाइन’शी बोलतांना दिली.

वाघाच्या मृत्यूप्रकरणी वनविभागाच जबाबदार…

वाघाच्या मृत्यूप्रकरणी वनविभागाच जबाबदार असल्याची खंत वन्यप्रेमींनी व्यक्त केली आहे. कारण काही महिन्यांपूर्वी याच परिसरातील नागरिकांनी वाघ दिसल्याची माहिती अकोला वनविभागाला दिली होती. त्यावेळी वाघाचा व्हिडिओ देखील कॅमेऱ्यात कैद झाला होता. मात्र, तरीही वनविभागाने याची दखल घेतली नव्हती. त्याचवेळी वनविभागाने या परिसरात ट्रॅप कॅमेरे लावले असते तर कदाचित वाघाचा जीव वाचला असता आणि वाघाला सुरक्षितस्थळी नेण्यात आले असते. अशी खंत अनेकांनी व्यक्त केली आहे.

५ कॅमेऱ्यातील CCTV मधून उमेश कोल्हेंच्या हत्येचा उलगडा, आधी बेदम मारहाण, त्यानंतर गळा…
२ वर्षाचा असताना आईपासून दुरावला होता…

सूत्रांनी दिलेल्या माहितीनुसार, हा वाघ त्याच्या आईपासून वयाच्या २ वर्षाचा असताना दुरावला होता. कारंजा यवतमाळ वन परिसरातून हा वाघ अकोला जिल्ह्यात आला असल्याचं सांगण्यात येत आहे. गेल्या दोन वर्षापासून अकोला जिल्ह्यात शेजारी जिल्ह्यात भटकंती करत असल्याचे बोलले जाते. सहा महिन्यापूर्वी अकोल्यात या वाघाचे दर्शन घडलं होतं.

‘स्लो-पॉयझन’ने वाघाचा मृत्यू झाल्याची शंका…

आईपासून दुरावल्यानंतर गेल्या दोन वर्षापासून हा वाघ जिल्ह्यात अनेक भागात भटकंती करायचा. दरम्यान, अनेक शेतकरी आपल्या पिकावर रासायनिक औषधांची फवारणी करतात नंतर औषध पाण्यात मिसळायचे. हेचं पाणी प्यायल्याने वाघ आजारी झाला होता यातून त्याला शिकार करण अवघड झालं म्हणजेचं वाघाचा ‘स्लो-पॉयझन’ झाल्याने मृत्यू झाला आहे, अशी शंका उपस्थित केली जात आहे.

अमोल मिटकरींकडून चौकशी मागणी…

२८ जून रोजी मोझरी खुर्द येथे पट्टेदार वाघाचा मृतदेह सापडला असून सदर घटनेची सखोल चौकशी करावी. जिल्ह्यात अनेक ठिकाणी पट्टेदार वाघाचा वावर असल्याचा संशय आहे. त्या अनुषंगाने वाघांच्या संवर्धनासाठी तसेच ग्रामस्थानच्या सुरक्षिततेच्या दृष्टीने वनविभागाने काय पाऊले उचलली आहे. याचा अहवाल सादर करावा, हे प्रकरण अत्यंत गंभीर असून तात्काळ विशेष बैठकीचे आयोजन करावे, अशा मागणीचे पत्र मिटकरींनी उपवनसंरक्षकांना दिलं.

अकोला जिल्ह्यातील विविध गावांच्या शेतशिवारात वाघ फिरत असतांना वनविभाग मात्र निष्क्रिय आहे. या निष्क्रियतेचा निषेध व्यक्त करण्यासाठी राष्ट्रवादी युवक काँग्रेसचे जिल्हाध्यक्ष शिवा मोहोड यांच्या नेतृत्वात उपवनसंरक्षक यांना प्रतीकात्मक वाघ भेट म्हणून देण्यात आला. जवळा शेतशिवारात शेतकऱ्यांनी वाघ फिरतांना पाहिला. याबाबत वनविभागाला माहिती दिल्यानंतरही वनविभागाकडून पाहिजे त्या गांभीर्याने वाघाला शोधण्यासाठी प्रयत्न केले जात नव्हते.

नाव मोठं लक्षण छोटं! आलियाचं नाव सांगूनही करण- सारा राहिले उपाशी, रेस्टॉरंटमधला Video Viral

LEAVE A REPLY

Please enter your comment!
Please enter your name here