परभणी जिल्ह्यातील महादेव देवस्थानाच्या शेतजमिनीचा पंचनामा करण्यासाठी गेलेल्या एका शेतकऱ्याला जिवे मारण्याची धमकी देत लोखंडी सळईने मारहाण केली असल्याची धक्कादायक घटना घडली आहे. पालम तालुक्यातील सोमेश्वर शिवारात ही घटना ३० जून रोजी घडली. याप्रकरणी चौघांविरोधात गुन्हा दाकल करण्यात आला आहे.
हायलाइट्स:
- जिवे मारण्याची धमकी देत लोखंडी सळईने बेदम मारहाण
- शेतजमिनीचा पंचनामा करण्यासाठी गेले असता घडली घटना
- परभणी जिल्ह्यातील धक्कादायक घटना
सोमेश्वर येथील नारायण गिरी यांनी याकरणी फिर्याद दिली आहे. ते पालमचे मंडळ अधिकारी व तलाठी यांच्या आदेशावरून सोमेश्वर येथील महादेव देवस्थानाच्या शेत जमिनीचा पंचनामा करण्यासाठी गेले होते. ते ३० जून रोजी दुपारी १२.३० वाजता. तिथे जाताच चुलतभाऊ व त्यांच्या मुलांनी नारायण गिरी यांना शिवीगाळ सुरू केली. दरम्यान, शुभम प्रकाश गिरी याने डोक्यात लोखंडी सळई मारून नारायण गिरी यांना जखमी केले. शिवाय, प्रकाश गिरी याने दगड फेकून मारत जमिनीवर खाली पाडले.
अन् मित्रानंच घात केला, १५ वर्षांची मैत्री विसरला! उमेश कोल्हे हत्या प्रकरणात युसूफला अटक
तसेच मुकूंद गिरी व रूषीकेश गिरी याने जिवे मारण्याची धमकी दिली. या मारहाणीत ते जखमी झाले. त्यांना उपचारासाठी नांदेडला दाखल करण्यात आले. उपचार झाल्यानंतर त्यांनी पालम पोलिस ठाणे गाठून या चौघांविरोधात फिर्याद दिली. त्यावरून, पोलिसांनी आरोपी मुकूंद गिरी, प्रकाश गिरी, शुभम गिरी, रूषीकेश गिरी यांच्याविरूद्ध मारहाण प्रकरणी गुन्हा दाखल केला. अधिक तपास जमादार विलास बळवंते करत आहेत.
चर्चा तर होणारच! करोना काळात बिनधास्त राबलेले आमदार लंके आजारी कसे?
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : the farmer was stabbed by his cousin maharashtra parbhani crime news
Marathi News from Maharashtra Times, TIL Network
Marathi News from Maharashtra Times, TIL Network
