भोपाळ : देशात महिला अत्याचाराच्या अनेक धक्कादायक घटना समोर येत असताना भोपाळमध्येही हृदयद्रावक घटना समोर आली आहे. इथे जमिनीच्या वादातून एका आदिवासी महिलेला टवाळखोरांनी पेटवून दिले आहे. आगीत अडकलेली महिला वेदनेने रडत मदतीसाठी ओरडत होती. मात्र, तिथे उभ्या असलेले लोक त्याचा व्हिडिओ बनवण्यात व्यस्त होते. या घटनेची माहिती पोलिसांना देण्यात आली. माहिती मिळताच पोलिसांनी घटनास्थळ गाठून या प्रकरणाचा तपास सुरू केला.

दोन आरोपींना केली अटक

या घटनेचा व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये एक महिला आगीच्या लोळात मदतीची याचना करत आहे. त्याचवेळी महिलेने स्वत:ला पेटवून घेतल्याचं व्हिडिओमध्ये काही लोक बोलताना ऐकू येत आहेत. गंभीररीत्या जळलेल्या पीडित महिलेला रुग्णालयात दाखल करण्यात आलं असून याप्रकरणी पोलिसांनी आतापर्यंत दोन आरोपींना अटक केली आहे.

स्टॅमिना वाढवायच्या गोळ्या खाऊन तरुण प्रेयसीसोबत गेला लॉजवर, आधी बेशुद्ध पडला अन्….
जमिनीच्या वादातून घडली घटना

महिलेचा पती अर्जुन सहारिया याने पोलिसांना दिलेल्या माहितीनुसार, तो शनिवारी त्याच्या शेतात पोहोचला तेव्हा पत्नी जळालेल्या अवस्थेत दिसली. पोलिसांनी दिलेल्या माहितीनुसार, सहारिया कुटुंबाला ही जमीन राज्य सरकारच्या कल्याणकारी योजनेंतर्गत फार पूर्वी देण्यात आली होती. ज्यावर नंतर पुढच्या जातीतील टवाळेखोरांनी ताब्यात घेतला. या घटनेमुळे संपूर्ण परिसरात भीतीचं वातावरण असून पुढील तपास पोलीस करत आहेत.

पुणे हादरलं! भरधाव ट्रकखाली बाईक चिरडली, आई आणि ६ महिन्याच्या बाळासह एकाचा मृत्यू

LEAVE A REPLY

Please enter your comment!
Please enter your name here