एकाच म्युच्युअल फंड कंपनीच्या भिन्न योजनांच्या योजनांमधील फेरबदल करताना आखून दिलेल्या नियमाचा भंग झाल्याचा ठपका सेबीने ठेवला. आणि अखेर संबंधित फंड कंपनीच्या मुख्याधिका-याला लाखोंचा दंड ठोठावला.

 

या म्युच्युअल फंड कंपनीच्या सीईओला दंड; कंपनीच्या फंडात तुमची गुंतवणूक आहे का?
‘या’ म्युच्युअल फंड कंपनीच्या सीईओला दंड; कंपनीच्या फंडात तुमची गुंतवणूक आहे का?

हायलाइट्स:

  • एका फंड कंपनीच्या योजनेबाबत पालन न झाल्याचा ठपका
  • कंपनीचे मुख्य कार्यकारी अधिकारी अजित मेनन यांना ३६ लाख रुपयांचा दंड
  • सेबीने आखून दिलेल्या मार्गदर्शक तत्त्वांचे पालन होणे आवश्यक आहे.
मुंबई :म्युच्युअल फंड कंपन्यांच्या विविध योजना असतात. अनेकदा त्यात बदल होत असतात. केवळ ताबा आणि विलिनीकरणा दरम्यानच असे बदल होत नाही. तर एकाच कंपनीच्या दोन भिन्न योजनांमधील, त्याचे रूप, त्यातील गुंतवणूक आदींमध्येही बदल होत असतात. मात्र असे बदल करताना सेबीने आखून दिलेल्या मार्गदर्शक तत्त्वांचे पालन होणे आवश्यक आहे.

‘एनएफओं’चा येणार लोंढा; म्युच्युअल फंड गुंतवणूकदारांना मिळणार गुंतवणुकीची संधी
अशाच एका फंड कंपनीच्या योजनेबाबत पालन न झाल्याचा ठपका म्युच्युअल फंड क्षेत्राचेही नियमन करणा-या सेबीने ठेवला आहे. पीजीआयएम असेट मॅनेजमेंट कंपनीच्या आंतर योजना हस्तांतरणाबाबतचे नियम न पाळल्याबद्दल कंपनीचे मुख्य कार्यकारी अधिकारी अजित मेनन आणि त्यांच्या फंड कंपनीला सेबीने ३६ लाख रुपयांचा दंड ठोठावला. त्याचबरोबर कंपनीचे कुमारेश रामकृष्णन, पुनीत पाल आणि राकेश सुरी या कंपनीच्या व्यवस्थापकांवरही कारवाई करण्यात आली.

तुमचा TDS कापला जातोय; रिटर्न फायलिंगवेळी कोणता फॉर्म भरणे योग्य जाणून घ्या…
कंपनीच्या ओपन आणि क्लोज एंडेड योजनांच्या अंतर्गत हस्तांतरण प्रक्रियेत नियम न पाळल्याचे सेबीला आढळून आले आहे. क्लोज एंडेड योजना या ओपन एंडेड योजनांमध्ये परावर्तित करताना अत्यंत कमी गुणवत्तेच्या सिक्युरिटीज हस्तांतरित झाल्याचे सेबीचे म्हणणे आहे.

वाचा – क्रेडिट कार्ड वापरता; बिल पेमेंटचा नवीन नियम आहे फायद्याचा, एका क्लिकवर जाणून घ्या
सेबीने कारवाई केलेले हे प्रकरण आगस्ट २०१८ ते फेब्रुवारी २०१९ दरम्यानचे आहे. या कालावधीत गुंतवणूक केलेल्या संबंधित योजना आणि त्यातील गुंतवणूकदारांची रक्कम यावर मात्र कोणताही विपरित परिणाम होणार नसल्याचे सांगण्यात येते. संबंधित योजनेतील गुंतवणूक रक्कम सुरक्षित असून केवळ त्या योजनेचे व्यवस्थापन करणारे अधिकारी तसेच फंड कंपनीचे वरिष्ठ अधिकारी यांच्यापुरतीच ही कारवाई असल्याचेही नमूद करण्यात आले आहे.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : sebi fines rs 36 lakh on pgim amc ceo ajit menon
Marathi News from Maharashtra Times, TIL Network

LEAVE A REPLY

Please enter your comment!
Please enter your name here