एकनाथ शिंदे आणि देवेंद्र फडणवीस सरकारने सोमवारी विधानसभेत बहुमत सिद्ध केले. सरकारच्या बाजूने १६४ तर विरोधात ९९ मते पडली. यानंतर सभागृहात अभिनंदन प्रस्तावावर चर्चा झाली. त्यानंतर विरोधी पक्षनेतेपदी अजित पवार यांची घोषणा करण्यात आली. यावेळी जोरदार टोलेबाजी आणि चर्चाही झडली.
विशेष अधिवेशनाच्या दुसऱ्या दिवशी विधानसभा अध्यक्षांनी तालिका अध्यक्षांची नावे जाहीर केली. यात भाजपचे आशीष शेलार, योगेश सागर, चेतन तुपे, संग्राम थोपटे आणि शिंदे गटातील संजय शिरसाट यांची नावे जाहीर करण्यात आली. मात्र यामध्ये शिवसेनेतील एकाही आमदाराला संधी न देण्यात आल्याने सर्वांना आश्चर्याचा धक्का बसला. विधिमंडळाच्या या विशेष अधिवेशनात याआधी शिवसेनेचे विधिमंडळ कार्यालय सील करण्यात आले. त्यानंतर शिवसेनेच्या मुख्य प्रतोदपदी भरत गोगावले यांची निवड वैध ठरविली. त्यानंतर आता तालिका अध्यक्षांच्या यादीत स्थान न दिल्याने शिंदे गटाने शिवसेनेवर कुरघोडी केल्याची चर्चा विधान भवनात रंगली होती.
व्हिप मोडणाऱ्या १४ आमदारांना शिंदे गटाकडून नोटीस; फक्त एकाला वगळलं, कारणही सांगितलं
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Marathi News from Maharashtra Times, TIL Network
