malshej landslide video today, माळशेज घाटात खरंच दरड कोसळली? सोशल मीडियावर व्हायरल होणाऱ्या VIDEO चे सत्य समोर – maharashtra landslide video malshej ghat landslide videos going viral on social media

पुणे : देशासह राज्यात पावसाळा सुरू झाला आहे. त्यामुळे अनेक डोंगराळ भागात दरड कोसळण्याचे प्रकार समोर येत आहे. राज्यात सर्वत्र पावसानं धुमाशान घातलं असून गावांमध्ये दरड कोसळल्याच्या बातम्याही समोर आल्या. अशात दरड कोसळण्याचा एक व्हिडिओ सोशल मीडियावर व्हायरल होत आहे. त्यामुळे नागरिकांत अनेक संभ्रम निर्माण झाले आहेत.

जो व्हिडीओ सोशल मीडियावर व्हायरल झाला आहे. तो जुन्नर तालुक्यातील माळशेज घाटातील असल्याचं बोललं जात आहे. मात्र, शहानिशा केली असता, हा व्हिडीओ दुसऱ्या राज्यातील असल्याचं समोर आलं आहे. माळशेज घाट इथे दरवर्षी दरड कोसळण्याचे प्रकार घडतात. मात्र, अद्याप त्या परिसरात मोठ्या प्रमाणावर पाऊस सुरू झालेला नाही. त्यामुळे सोशल मीडियावर व्हायरल झालेला व्हिडिओ हा माळशेज येथील नाही.

मुसळधार पावसाने ‘या’ गावावर दरड कोसळण्याचं संकट; नागरिकांनी स्वत: सोडली घरं

या व्हिडिओ बाबत स्थानिक आणि जाणकरांशी देखील चर्चा केली. पण अशा प्रकारचे अनेक व्हिडिओ सध्या सोशल मीडियावर व्हायरल होत असून महाराष्ट्रात अशा प्रकारच्या दरडी या वर्षी तरी कोसळण्यास सुरूवात झाली नसल्याची माहिती समोर आली आहे. त्यामुळे अशा प्रकारच्या व्हिडिओवर शहानिशा केल्याशिवाय विश्वास ठेवू नये असे आवाहन करण्यात आले आहे.

कोकणात पावसाचे थैमान; गावखेड्यात नद्यांना पूर, सिंधुदुर्गमधील २७ गावाचा संपर्क तुटला