Sanjay Raut vs Eknath Shinde Camp | संजय राऊत यांनी शिवसेना आगामी काळात महाराष्ट्रात १०० पेक्षा जास्त आमदार निवडून आणले, असा दावाही केला. सध्याच्या बंडखोरीमुळे महाराष्ट्रातील लोकांच्या मनात जी चीड पाहायला मिळत आहे, ते पाहता आगामी काळात शिवसेनेचे १०० हून अधिक आमदार विजयी होतील. आमदार सोडून गेले म्हणजे मतदार गेले, असा अर्थ होत नाही.
हायलाइट्स:
- या चार लोकांमुळेच कालपर्यंत तुम्हाला मिळाली होती
- हे चार लोक सतत पक्षाचेच काम करत होते
- आजही हे चार लोक पक्षाचेच काम करत आहेत
यावेळी त्यांनी शिवसेनेच्या बंडखोर आमदारांवर चांगलीच आगपाखड केली. एकनाथ शिंदे यांच्यासह अनेक बंडखोर आमदारांनी उद्धव ठाकरे यांच्या निकटच्या सल्लागारांना लक्ष्य केले होते. या सगळ्यांचा रोख संजय राऊत यांच्या दिशेने होता. याच मुद्द्यावरुन संजय राऊत यांनी बंडखोरांना चांगलेच फटाकरले. उद्धव ठाकरे हे काही दुधखुळे नव्हेत. ते बाळासाहेब ठाकरे यांचे चिरंजीव आहेत. उद्धव ठाकरे हे स्वत:चे निर्णय स्वत: घेतात. जाणाऱ्यांना फक्त बहाणा हवा असतो. तुम्ही आता पक्षातून निघून गेले आहात, आता आपलं काम करा, अशा शब्दांत संजय राऊत यांनी बंडखोरांना सुनावले.
उद्धव ठाकरेंचा ‘संकटमोचक’ वेगळ्या विचारात? मिलिंद नार्वेकरांची श्रीकांत शिंदेंसोबत चर्चायावेळी संजय राऊत यांनी शिवसेना आगामी काळात महाराष्ट्रात १०० पेक्षा जास्त आमदार निवडून आणले, असा दावाही केला. सध्याच्या बंडखोरीमुळे महाराष्ट्रातील लोकांच्या मनात जी चीड पाहायला मिळत आहे, ते पाहता आगामी काळात शिवसेनेचे १०० हून अधिक आमदार विजयी होतील. आमदार सोडून गेले म्हणजे मतदार गेले, असा अर्थ होत नाही. एकनाथ शिंदे हे काल बाळासाहेब ठाकरे यांच्या स्मारकावर जाऊन नतमस्तक झाले असले तरी इतिहासात त्यांची नोंद वेगळ्या पद्धतीने होईल. उद्धव ठाकरे यांनी एकनाथ शिंदे यांच्याशी वेगवेगळ्या पद्धतीने चर्चा करण्याचा प्रयत्न केला, असेही संजय राऊत यांनी सांगितले.
ठाकरेंसाठी रडणारे संतोष बांगर अचानक कसे फुटले? शिवसेनेची पहिली प्रतिक्रिया‘आम्हाला डुक्कर म्हणता, अहो याच डुकरांची मतं घेऊन खासदार झालात’
आम्ही उद्धव ठाकरे यांची साथ सोडली या गोष्टीचं आम्हाला दु:ख आहे. ही गोष्ट आमच्या मनातही सलत आहे. पण उद्धव ठाकरे यांच्याभोवती असलेल्या चार लोकांच्या कोंडाळ्याने त्यांना बावळट बनवले आहे. ज्यांची निवडून यायची लायकी नाही, ते आम्हाला बोलतात. आमच्या मतांवर खासदार होतात, अशा शब्दांत शिवसेनेचे बंडखोर आमदार गुलाबराव पाटील (Gulabrao Patil) यांनी संजय राऊत यांच्यावर घणाघाती टीका केली होती.
एकनाथ शिंदे यांनी बंड केल्यानंतर आम्ही मातोश्रीवर गेलो. त्यावेळी आम्ही म्हटले की, एकदा एकनाथ शिंदेंची बाजू ऐकून घ्या. तेव्हा संजय राऊत यांनी म्हटले की, तुम्हालाही तिकडे जायचे असेल तर जा. आम्हाला गटारातील घाण, डुक्कर म्हटलं गेलं. ज्यांची लोकांमधून निवडून यायची लायकी नाही, ते आम्हाला बोलतात. आम्हाला डुक्कर बोलता आणि आमच्याच मतांवर खासदार म्हणून निवडून जाता. हे कोण सहन करणार?,असा सवाल गुलाबराव पाटील यांनी संजय राऊत यांना विचारला होता.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : shivsena leader sanjay raut slams eknath shinde and shivsena rebel mla’s
Marathi News from Maharashtra Times, TIL Network
Marathi News from Maharashtra Times, TIL Network
