मुंबईत मुसळधार पाऊस, हिंदमाता परिसर पाण्याखाली अशी बातमी दरवर्षी कानावर येते, पाहण्यात येते. मात्र यंदा मुसळधार पावसानंतर हिंदमाता परिसरात पाणी साचलेलं नाही. त्यामुळे स्थानिकांना सुखद धक्का बसला.
हायलाइट्स:
- हिंदमाता परिसरात पाणी साचलं नाही
- पालिकेची पूर्वतयारी आली कामी
- स्थानिकांना आश्चर्याचा सुखद धक्का
पावसाच्या पाण्याचा निचरा लवकरात लवकर व्हावा यासाठी मुंबई महापालिकेच्या कर्मचाऱ्यांकडून प्रयत्न करण्यात येत आहेत. मुसळधार पाऊस होऊनही हिंदमाता परिसरात पाणी न साचल्यानं स्थानिकांना आश्चर्याचा सुखद धक्का बसला. महापालिकेनं या भागात साचलेलं पाणी एका मोठ्या भूमिगत टाकीत साठवण्यास सुरुवात केली आहे. त्यामुळे हिंदमाता परिसरात पाणी साचलेलं नाही.
दुपारी एकच्या सुमारास परळ, दादर भागात मुसळधार पाऊस झाला. त्यानंतर पावसाचं पाणी साचण्यास सुरुवात झाली. मात्र पालिकेच्या कर्मचाऱ्यांनी पाण्याचा निचरा केला. हिंदमाताचा परिसर भौगोलिकदृष्ट्या सखल आहे. त्यामुळे तिथे पावसाचं पाणी लवकर साचतं. ही समस्या टाळण्यासाठी पालिकेनं सेंट झेविअर्स मैदानात भूमिगत टाक्या बांधल्या. या टाक्यांची क्षमता २.८७ कोटी लीटर इतकी आहे. पंपिंग स्टेशन आणि भूमिगत टाक्यांमुळे पाण्याचा निचरा लवकर होण्यास मदत होत आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : no water logging despite of heavy rainfall in mumbais hindmata
Marathi News from Maharashtra Times, TIL Network
Marathi News from Maharashtra Times, TIL Network
