परभणी : घरची परिस्थिती हलाखीची असताना मुलाने शिकून मोठं व्हावं, अधिकारी होऊन नाव कमवावं यासाठी आई-वडिलांनी वडिलोपार्जित एक एकर शेती विकली. त्यानंतर देखील शिक्षणाचा खर्च भागत नसल्याने पुण्यामध्ये आईने घर काम केले तर वडिलांनी सुरक्षा रक्षक म्हणून काम करून शिक्षणाचा खर्च उचलला. आई-वडिलांनी केलेल्या कष्टाचे पांग मुलाने फेडले. रात्रंदिवस अभ्यास करून अक्षय मोतेने पोलीस उपनिरीक्षक या पदाला गवसणी घातली आहे. प्रशिक्षण पूर्ण करून आलेल्या अक्षय मोते याची गडचिरोली येथे पोस्टिंग झाली आहे.

गंगाखेड तालुक्यातील घटंग्रा येथील मुंजाजी मोते यांच्या घरी अठरा विश्व दारिद्र्य. पण नशिबाला पोरं चांगली. लहान मुलगा अक्षय हा शिक्षणात हुशार असल्याने त्याला अभियांत्रिकी शिक्षणासाठी नाशिक येथे ठेवले होते. अभियांत्रिकीचे शिक्षण पूर्ण झाल्यानंतर अक्षयने आपल्याला मोठा अधिकारी होण्याची इच्छा आईवडिलांकडे व्यक्त केली. मात्र घरची गरिबी असल्याने असल्याने मुलाच्या शिक्षणासाठी पैसे कुठून आणायचे असा प्रश्न मोते कुटुंबीयांना पडला.

वडील शेतकरी आई शिक्षिका, ३ वर्ष जीवतोड मेहनत, यशाने पिंगा घातला, २७ व्या वर्षी UPSC क्रॅक!
मात्र त्यांनी खचून न जाता मुलाच्या शिक्षणासाठी गावाकडे असलेल्या वडिलोपार्जित जमिनीपैकी एक एकर शेती विकून पुणे येथे वास्तव्यास गेले. अक्षय एमपीएससीची तयारी करत असताना त्यासाठी आवश्यक असणारे पैसे जमत नसल्याने अक्षयच्या आईने पुण्यामध्ये एका घरात घरकाम करण्यास सुरुवात केली. तर वडिल सुरक्षारक्षक म्हणून काम करत होते.

शरद पवार आणि एकनाथ शिंदेंच्या भेटीची बातमी चुकीची; काही माध्यमांनी दिली होती भेटीची बातमी
यातून मिळणारा पैसा त्यांनी अक्षयच्या शिक्षणासाठी लावला. आई वडील आपल्यासाठी जीवाचे रान करत असल्याचे पाहून अक्षयने दिवस रात्र अभ्यास करून अक्षयने पोलीस उपनिरीक्षक पदाला गवसणी घातली. नाशिक येथे नुकतेच प्रशिक्षण पूर्ण करून अक्षयची गडचिरोली येथे नियुक्ती झाली आहे. खूप संघर्षातून दिवस काढत मुलाने दिव्य यशाला गवसनी घातल्यामुळे अक्षयच्या आईचे डोळे अक्षरशः पाणावले होते. त्यांचा आनंद गगनात मावत नव्हता. पोलीस उपनिरीक्षक पदावर न थांबताच आपल्याला पुढे राजपत्रित अधिकारी होण्याची इच्छा असल्याचे अक्षयने सांगितलं.

LEAVE A REPLY

Please enter your comment!
Please enter your name here