Maharashtra Monsoon 2022 : मुंबई-गोवा महामार्गावरील परशुराम घाटातील वाहतुक दरड कोसळल्यामुळे बंद करुन पर्यायी मार्गाने वळवण्यात आली आहे. परशुराम घाटात विविध ठिकाणी दरड कोसळल्यामुळे ९ जुलै शनिवारी मध्यरात्रीपर्यंत परशुराम घाट वाहतुकीसाठी बंद ठेवण्याचा निर्णय घेण्यात आला आहे.
हायलाइट्स:
- मुंबई-गोवा महामार्गावरील परशुराम घाट ९ जुलैपर्यंत बंद
- घाटातील वाहतुक दरड कोसळल्यामुळे बंद
- दरड कोसळल्यामुळे वाहतुक पर्यायी मार्गाने वळवण्यात आली आहे
२ जुलै रोजी शनिवारी रात्री परशुराम घाटामध्ये दरड कोसळल्यामुळे घाटाचा रस्ता बंद झाला होता. रात्री ३.३० वाजता वाहतुक पु्न्हा सुरु करण्यात आली होती. पुन्हा सोमवारी ५ जुलै रोजी मोठ्या प्रमाणात परशुराम घाटामध्ये दरड खाली कोसळून पूर्णपणे वाहतुक बंद झाली होती. जिल्हयात अतिवृष्टी सुरू असून घाटामध्ये अनेक ठिकाणी धोकादायक दरड कोसळण्याची शक्यता मोठया प्रमाणात वर्तवण्यात आली आहे. ९ जुलै शनिवारपर्यंत हवामान खात्याकडून रत्नागिरी जिल्हयासाठी रेड अलर्ट जाहीर करण्यात आला आहे. या स्थितीत दरड कोसळून जिवितहानी होवू नये म्हणून ६ जुलै बुधवारपासून ९ जुलै मध्यरात्रीपर्यंत परशुराम घाट सर्व प्रकारच्या वाहतूकीसाठी बंद करण्यात यावा, असा अहवाल कार्यकारी अभियंता, राष्ट्रीय महामार्ग विभाग यांनी रत्नागिरी जिल्हाधिकाऱ्यांना दिला आहे.
मोठी बातमी… रोहित शर्मा पहिल्या सामन्यासाठी अनिश्चित, कार्डिओव्हॅस्क्युलर टेस्टनंतर निर्णय होणार
त्यानुसार, चिपळूण महसूल उपविभागीय अधिकारी यांच्याकडून या घाटावरील वाहतुक पूर्णपणे बंद ठेवण्यात आली आहे. दरम्यान, ९ जुलै रोजी शनिवारी परशुराम घाटाची परिस्थिती पाहून व अतिवृष्टीचा विचार करुन कार्यकारी अभियंता, राष्ट्रीय महामार्ग विभाग यांच्याकडून पुढील निर्णय घेण्यात येणार आहे. या बंद कालावधीत केवळ कमी वजनाची वाहतुक ही लोटेवचिरणी आंबडस-चिपळूण या पर्यायी मार्गाने वळविण्यात आली आहे. असा आदेश जारी करण्यात आला आहे.
सत्तांतरानंतरची पहिलीच सभा; रोहित पवारांनी भरसभेत दिला ‘हा’ इशारा
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : maharashtra monsoon 2022 parashuram ghat on mumbai-goa highway closed till july 9
Marathi News from Maharashtra Times, TIL Network
Marathi News from Maharashtra Times, TIL Network
