Maharashtra Politics | एकनाथ शिंदे यांच्या शिवसेनेविरुद्धच्या बंडापासून राज्यातील नवीन सरकार स्थापन होण्यात देवेंद्र फडणवीस यांनी अत्यंत महत्त्वाची भूमिका बजावली आहे. त्यांनी नियोजनबद्ध रणनीती आखून एकनाथ शिंदे यांचे बंड कुठेही फसणार नाही, याची पुरेपूर काळजी घेतली. तसेच पडद्यामागून या बंडाला रसद पुरवण्यातही फडणवीस यांची महत्त्वाची भूमिका होती. त्यामुळेच प्रताप सरनाईक यांच्यासारखे शहरी भागातील आमदारही एकनाथ शिंदे गटात सामील झाले होते.

 

Devendra Fadnavis name
प्रताप सरनाईकांच्या समर्थकांनी लावलेले बॅनर्स चर्चेचा विषय

हायलाइट्स:

  • मीरा रोड येथील शांतीनगर भागातील जैन मंदिराच्या परिसरात हे बॅनर्स लावण्यात आले होते
  • या बॅनर्सवरील देवेंद्र फर्नांडिस हा उल्लेख सर्वांचेच लक्ष वेधून घेत होता
  • स्वीकृत नगरसेवक विक्रम प्रतापसिंह यांनी हे बॅनर्स लावले होते
मुंबई: गेल्या काही दिवसांपासून महाराष्ट्रातील राजकारणात अनेक चक्रावणाऱ्या घटना घडत आहेत. यामध्ये आता आणखी एका घटनेची भर पडली आहे. एकनाथ शिंदे गटाचे आमदार प्रताप सरनाईक (Pratap Sarnaik) यांच्या समर्थकांनी शुभेच्छा देणारे बॅनर्स लावले आहेत. मात्र, या बॅनर्सवर चक्क उपमुख्यमंत्री देवेंद्र फडणवीस यांचे नाव चुकीच्या पद्धतीने लिहण्यात आले आहे. या बॅनर्सवर देवेंद्र फडणवीस (Devendra Fadnavis) यांचा उल्लेख देवेंद्र फर्नांडिस असा करण्यात आला आहे. एकीकडे भाजपश्रेष्ठींनी उपमुख्यमंत्रीपदावर बोळवण करुन देवेंद्र फडणवीस यांचे पंख छाटल्याची चर्चा सुरु असताना आता फलकांवर त्यांचे नावही चुकीच्या पद्धतीने लिहले गेले आहे. त्यामुळे सोशल मीडियावर या बॅनर्सची चांगलीच चर्चा रंगली आहे.

मीरा रोड येथील शांतीनगर भागातील जैन मंदिराच्या परिसरात हे बॅनर्स लावण्यात आले होते. या बॅनर्सवरील देवेंद्र फर्नांडिस हा उल्लेख सर्वांचेच लक्ष वेधून घेत होता. स्वीकृत नगरसेवक विक्रम प्रतापसिंह यांनी हे बॅनर्स लावले होते. या बॅनर्सचे फोटो सोशल मीडियावर सध्या व्हायरल होत आहेत. या सगळ्यामुळे सोशल मीडियावर मिम्स तयार करणाऱ्यांना आणखी एक खाद्य मिळाले आहे. अमृता फडणवीस यांनी देवेंद्र यांच्याबाबतीत केलेल्या एका वक्तव्याने सध्या सोशल मीडियावर मिम्सचा महापूर आल्याचे पाहायला मिळत आहे.
‘ईडी’च्या कचाट्यात अडकलेल्या प्रताप सरनाईकांचा थाटच न्यारा, म्हणाले, ‘सुरुवात सुनील प्रभूंपासून करा’
एकनाथ शिंदे यांच्या शिवसेनेविरुद्धच्या बंडापासून राज्यातील नवीन सरकार स्थापन होण्यात देवेंद्र फडणवीस यांनी अत्यंत महत्त्वाची भूमिका बजावली आहे. त्यांनी नियोजनबद्ध रणनीती आखून एकनाथ शिंदे यांचे बंड कुठेही फसणार नाही, याची पुरेपूर काळजी घेतली. तसेच पडद्यामागून या बंडाला रसद पुरवण्यातही फडणवीस यांची महत्त्वाची भूमिका होती. त्यामुळेच प्रताप सरनाईक यांच्यासारखे शहरी भागातील आमदारही एकनाथ शिंदे गटात सामील झाले होते. आर्थिक गैरव्यवहार प्रकरणात प्रताप सरनाईक यांच्यापाठी ईडीचा ससेमिरा लागला होता. त्यामुळे सरनाईक यांनी वर्षभरापूर्वीच शिवसेनेने भाजपशी जुळवून घ्यावे, असे पत्र तत्कालीन मुख्यमंत्री उद्धव ठाकरे यांना पाठवले होते.
संतापलेल्या भास्कर जाधवांनी भाजपने ‘पावन’ करुन घेतलेल्या ४५ नेत्यांची लिस्टच काढली

शिवसेना आमदारांनी ‘ईडी-ईडी’ चिडवताच प्रताप सरनाईकांचा इशारा

सभागृहात विश्वासदर्शक ठरावाच्यावेळी शिवसेना आमदारांनी प्रताप सरनाईक यांना डिवचले होते. प्रताप सरनाईक (Pratap Sarnaik) मतदानासाठी आपल्या जागेवर उभे राहिले तेव्हादेखील शिवसेना आमदारांकडून त्यांना ‘ईडी-ईडी’ चिडवण्यात आले. तेव्हा प्रताप सरनाईक यांनी शांत न राहता तात्काळ शिवसेना आमदारांना प्रत्युत्तर दिले. एकनाथ शिंदे यांनी शिवसेना आमदारांच्या दिशेने बघत ‘तुम्हाला अर्ध्या तासात प्रत्युत्तर देतो’ असे म्हटले होते.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : eknath shinde camp mla pratap sarnaik supporters banners wirte devendra farnandis fernandez instead of devendra fadnavis
Marathi News from Maharashtra Times, TIL Network

LEAVE A REPLY

Please enter your comment!
Please enter your name here