Uddhav Thackeray vs Eknath Shinde | एकनाथ शिंदे यांच्या बंडानंतर उद्धव ठाकरे (Uddhav Thackeray) हे चांगलेच सक्रिय झाले आहेत. ते दररोज शिवसैनिकांशी (Shivsena) संवाद साधत आहेत. कोणाच्याही दबावाला बळी पडून शिवसेनेतून बाहेर पडू नका, असे उद्धव ठाकरे यांनी शिवसैनिकांना सांगितले होते. भावना गवळी यांच्यावरील कारवाईनंतर एकनाथ शिंदेंनी उद्धव ठाकरे यांच्यावर निशाणा साधला.

 

Eknath Shinde Uddhav Thackeray (1)
उद्धव ठाकरे आणि एकनाथ शिंदे

हायलाइट्स:

  • आम्ही शिवसेना अद्याप सोडलेली नाही
  • पक्षातून आणखी कितीजणांना पदावरून हटवणार
मुंबई: शिवसेनेने लोकसभेतील मुख्य प्रतोद पदावरून खासदार भावना गवळी यांची हकालपट्टी केली होती. या पार्श्वभूमीवर शिवसेनेतील बंडाचे मुख्य सूत्रधार आणि मुख्यमंत्री एकनाथ शिंदे (CM Eknath Shinde) यांनी उद्धव ठाकरे यांना सवाल विचारला आहे. शिवसेना अशाप्रकारे किती जणांना पदावरून हटवणार आहे? कितीजणांची पक्षातून हकालपट्टी करणार आहे?, असे शिंदे यांनी विचारले. यावर आता शिवसेना पक्षप्रमुख उद्धव ठाकरे काय प्रतिक्रिया देणार, हे पाहावे लागेल. एकनाथ शिंदे यांच्या बंडानंतर उद्धव ठाकरे (Uddhav Thackeray) हे चांगलेच सक्रिय झाले आहेत. ते दररोज शिवसैनिकांशी (Shivsena) संवाद साधत आहेत. कोणाच्याही दबावाला बळी पडून शिवसेनेतून बाहेर पडू नका, असे उद्धव ठाकरे यांनी शिवसैनिकांना सांगितले होते.

तसेच राष्ट्रपतीपदाच्या निवडणुकीत भाजपप्रणीत राष्ट्रीय लोकशाही आघाडीच्या उमदेवार द्रौपदी मुर्मू यांना पाठिंबा देण्यासंबंधी खासदार राहुल शेवाळे यांनी घेतलेली भूमिका योग्यच असल्याचे मत मुख्यमंत्री एकनाथ शिंदे यांनी ठाण्यात पत्रकारांशी बोलताना व्यक्त केले. आम्ही शिवसेना अद्याप सोडलेली नसून आम्ही शिवसेनेतच असल्याचा पुर्नउच्चार करत पक्षातून आणखी कितीजणांना पदावरून हटवणार, असा प्रश्नही त्यांनी उपस्थित केला.
Devendra Fadnavis: देवेंद्र फर्नांडिस! उपमुख्यमंत्र्यांचं नावंच बदललं, सरनाईकांच्या समर्थकांचा प्रताप
खासदार भावना गवळींची प्रतोद पदावरून उचलबांगडी

एकनाथ शिंदे यांच्या बंडानंतर महाराष्ट्रातील विधिमंडळात धक्का बसल्यानंतर आता शिवसेनेकडून संसदीय राजकारणाच्यादृष्टीने एक महत्त्वपूर्ण निर्णय घेण्यात आला होता. लोकसभेतील शिवसेनेच्या प्रतोद भावना गवळी (Bhavana Gawali) यांची उचलबांगडी करण्यात आली होती. एकनाथ शिंदे यांच्या बंडानंतर भावना गवळी यांनी शिवसेना पक्षप्रमुख उद्धव ठाकरे (Uddhav Thackeray) यांना एक पत्र लिहले होते. यामध्ये भावना गवळी यांनी एकनाथ शिंदे यांची भूमिका योग्य असल्याचे म्हटले होते. त्यानंतर शिवसेनेचे १२ खासदार फुटणार असल्याची चर्चा सातत्याने रंगली आहे. यामध्ये भावना गवळी यांचे नाव आघाडीवर आहे. या पार्श्वभूमीवर शिवसेनेने भावना गवळी यांना लोकसभेतील प्रतोद पदावरून दूर केले आहे. भावना गवळी यांच्या जागी ठाण्यातील शिवसेनेचे खासदार राजन विचारे यांची नियुक्ती करण्यात आली होती.
आमदार निवासाच्या जागेवर झोपड्या बांधा; कुलाब्यात राहुल नार्वेकरांच्या नावाने अफवा पसरली अन्…

शिवसेना खासदारांमध्येही उभी फूट?

मुंबईतील शिवसेना खासदार राहुल शेवाळे यांनी पक्षाविरोधात जाणारा विचार बोलून दाखवला होता. राहुल शेवाळे यांनीही उद्धव ठाकरे यांना पत्र पाठवले होते. त्यामध्ये भाजपच्या राष्ट्रपतीपदाच्या उमेदवार द्रौपदी मूर्मू यांना पाठिंबा द्यावा, अशी विनंती राहुल शेवाळे यांनी केली होती. माजी खासदार आनंदराव अडसूळ यांनीही बुधवारी शिवसेनेच्या नेतपदाचा राजीनामा दिला होता. त्यामुळे राष्ट्रपतीपदाच्या निवडणुकीत शिवसेनेचे खासदारही फुटतील, अशी दाट शक्यता वर्तविली जात आहे. तसे घडल्यास शिवसेना पक्षात उभी फूट पडल्याचा एकनाथ शिंदे गटाच्या दाव्याला आणखी बळकटी मिळेल. त्यामुळे संपूर्ण शिवसेना पक्षच आपल्या ताब्यात घेण्याच्या न्यायालयीन लढाईत एकनाथ शिंदे गटाला फायदा मिळू शकतो.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : cm eknath shinde takes a dig at shivsena chief uddhav thackeray
Marathi News from Maharashtra Times, TIL Network

LEAVE A REPLY

Please enter your comment!
Please enter your name here