Thane Mahanagarpalika 66 corporators | ठाणे महागनरपालिकेतील ६६ नगरसेवक एकनाथ शिंदे यांच्यासोबत गेल्यानंतर शिवसेनेच्या गोटातून अद्याप कोणतीही प्रतिक्रिया आलेली नाही. आजपर्यंत शिवसेनेसाठी एकनाथ शिंदे हेच ठाणे जिल्ह्यातील कारभार एकहाती सांभाळत होते. त्यामुळे ठाण्यात एकनाथ शिंदे यांचे एकहाती वर्चस्व आहे. एकनाथ शिंदे यांनी शिवसेनेविरुद्ध बंड पुकारल्यापासूनच ठाणे जिल्ह्यातील शिवसेनेतील एक मोठा गट फुटेल, अशी अटकळ राजकीय जाणकारांकडून बांधली जात होती.
हायलाइट्स:
- सगळ्यांनी मिळून मुख्यमंत्री एकनाथ शिंदे यांच्या नेतृत्वाखाली काम करण्याचा निर्णय घेतला
- ठाणे शहरात एकच खळबळ उडाली आहे
- ठाण्यातील शिवसेनेचे अस्तित्त्व पूर्णपणे पुसले जाण्याची शक्यता
शिवसैनिकाने ‘मातोश्री’च्या अंगणात घेतला अखेरचा श्वास; उद्धव ठाकरेंना भेटण्यासाठी गेला अन्…ठाणे महागनरपालिकेतील ६६ नगरसेवक एकनाथ शिंदे यांच्यासोबत गेल्यानंतर शिवसेनेच्या गोटातून अद्याप कोणतीही प्रतिक्रिया आलेली नाही. आजपर्यंत शिवसेनेसाठी एकनाथ शिंदे हेच ठाणे जिल्ह्यातील कारभार एकहाती सांभाळत होते. त्यामुळे ठाण्यात एकनाथ शिंदे यांचे एकहाती वर्चस्व आहे. एकनाथ शिंदे यांनी शिवसेनेविरुद्ध बंड पुकारल्यापासूनच ठाणे जिल्ह्यातील शिवसेनेतील एक मोठा गट फुटेल, अशी अटकळ राजकीय जाणकारांकडून बांधली जात होती. ही शक्यता अखेर खरी ठरली आहे. थोडेथोडके नव्हे तर तब्बल ६६ नगरसेवक एकनाथ शिंदे गटात गेल्याने आता अवघ्या काही दिवसांवर येऊन ठेपलेल्या ठाणे महानगरपालिकेच्या निवडणुकीत शिवसेना काय करणार, याकडे सर्वांच्या नजरा लागल्या आहेत. ठाणे महापालिकेत शिवसेनेचे ६७ नगरसेवक असून राष्ट्रवादी काँग्रेसकडे ३४, भाजपकडे २३, काँग्रेसकडे ३ आणि एमआयएमकडे २ नगरसेवक आहेत. ठाणे महापालिकेचा कार्यकाळ संपला असून प्रशासकाची नियुक्ती करण्यात आली आहे.
एकनाथ शिंदे यांनी शिवसेनेचा विधिमंडळातील गट फोडल्यानंतर आता पक्षाच्या खासदारांमध्येही फूट पडण्याची शक्यता आहे. त्यानंतर एकनाथ शिंदे यांनी आपला मोर्चा पक्षसंघटनेकडे वळवला आहे. दोन दिवसांपूर्वीच पुणे महानगरपालिकेतील शिवसेना नगरसेवक भानगिरे हे एकनाथ शिंदे यांच्या गटात गेले होते. त्यांच्यावर पश्चिम महाराष्ट्राची जबाबदारी दिली जाणार आहे. भानगिरे हे एकनाथ शिंदे यांच्यासोबत गेल्याने पुणे महानगरपालिकेतही शिवसेनेच्या नगरसेवकांचा मोठा गट फुटण्याची दाट शक्यता आहे. एवढेच नव्हे तर या बंडाची लागण मुंबईसह राज्यातील इतर महानगरपालिकांमध्येही होऊ शकते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : thane mahanagarpalika 66 corporators join eknath shinde camp big jolt for shivsena and uddhav thackeray
Marathi News from Maharashtra Times, TIL Network
Marathi News from Maharashtra Times, TIL Network
