shivsena, Sanjay Raut: ‘धनुष्यबाण’ शिवसेनेच्या हातातून जाण्याची शक्यता; संजय राऊतांचं सूचक ट्विट – shvisena may loose paty symbol bow and arrow dhanushya ban sanjay raut tweet

उद्धव ठाकरेंचे शिवसैनिकांना आदेश

शिवसेनेचे धनुष्यबाण हे निवडणूक चिन्ह मिळविण्यासाठी एकनाथ शिंदे गट येत्या काही दिवसांत प्रयत्नांची पराकाष्ठा करणार आहे. त्यात त्यांना यश मिळू नये यासाठी शिवसेना त्यांच्या परीने जोरदार प्रयत्न करीत आहे. मुंबई तसेच दिल्लीतील कायदेतज्ज्ञ, घटनातज्ज्ञ यांच्याशी सातत्याने संपर्क साधत कायदेशीर डावपेचांची लढाई लढत आहे. मात्र दुर्दैवाने यात अपयश आले तरीही शिवसेनेच्या पदाधिकाऱ्यांनी खचून न जाता जे काही नवे निवडणूक चिन्ह घेण्याची वेळ येईल ते स्वीकारून लवकरात लवकर ते सर्वसामान्यांपर्यंत कसे पोहोचवता येईल याची आधीपासूनच तयारी करा, असे आदेश उद्धव ठाकरे यांनी पदाधिकाऱ्यांना दिल्याचे खात्रीलायकरित्या समजते. ‘माझी प्रकृती ठिकठाक असल्याने आता दर दिवसाआड आपण शिवसेना भवनमध्ये उपलब्ध आहोत’, असे सांगत विरोधकांशी दोन हात करण्यास आपण सज्ज असल्याचे संकेतच त्यांनी पदाधिकाऱ्यांना दिले आहेत.