कोकणात पावसाचा जोर दिवसेंदिवस वाढत आहे. गेल्या २४ तासात जिल्ह्यातील वेंगुर्ला तालुक्यात सर्वाधिक १८३.७ मि.मी. पावसाची नोंद झाली आहे. विशेष म्हणजे आज वेंगुर्ला सावंतवाडी राज्य मार्गावरील होडावडा – तळवडा नदीला पुर आल्याने पुराचे पाणी पूलावरून वाहत असल्याने वेंगुर्लातुन सावंतवाडीकडे जाणारी वाहतूक पुर्णपणे ठप्प झाली आहे.
हायलाइट्स:
- कोकणात पावसाचा जोर दिवसेंदिवस वाढत आहे
- होडावडा – तळवडा नदीला पुर
- वेंगुर्लातुन सावंतवाडीकडे जाणारी वाहतूक पूर्णपणे ठप्प
जिल्ह्यात मुसळधार पाऊस पडत असल्याने सिंधुदूर्ग जिल्ह्याला रेड अलर्ट देण्यात आला आहे. जिल्ह्यातील प्रमुख चार नद्या ओसंडून वाहत आहे. पावसाचा वेग असाच राहिल्यास जिल्ह्यात पूर स्थिती निर्माण होण्याची शक्यता आहे. तिलारी आंतरराज्य प्रकल्पाच्या क्षेत्रात गेल्या चोवीस तासात ७०.६० मि.मी. पावसाची नोंद झाली आहे. सध्या या प्रकल्पामध्ये ३४४.०७९ द.ल.घ.मी पाणीसाठा असून धरण ७६.९१ टक्के भरले आहे. तसेच जिल्ह्यातील कोर्ले सातांडी हा मध्यम प्रकल्प आणि १२ लघू पाटबंधारे प्रकल्प १०० टक्के भरले आहेत. सततच्या पावसामुळे शेतकरी चिंतेत आहेत कारण भात शेतीत पाणी गेल्याने शेतातील पिकं कुजण्याची भीती शेतकऱ्यांना सतावत आहे.
नगरसेवकांच्या गळतीवर उद्धव ठाकरेंचा वेगळाचा दावा; म्हणाले ते तर नगरसेवकच नाहीत
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : maharashtra monsoon 2022 rain in konkan vengurla-sawantwadi state highway traffic halted
Marathi News from Maharashtra Times, TIL Network
Marathi News from Maharashtra Times, TIL Network
