स्मिथनं १२.३८ मिलियन ऑस्ट्रेलियन डॉलरला (६७ कोटी रुपये) हवेली विकली. स्मिथनं दोनच वर्षांपूर्वी हवेली खरेदी केली होती. आता तिची किंमत दुप्पट झाली आहे. हवेलीमध्ये एकूण चार बेडरुम आणि तीन बाथरुम आहेत.
हायलाइट्स:
- क्रिकेटपटू स्टिव्ह स्मिथनं हवेली विकली
- सिडनीतील हवेली विकून ३० कोटी कमावले
- दोनच वर्षांत हवेलीची किंमत दुप्पट
स्टिव्ह स्मिथ आणि त्याची पत्नी डॅनी विल्स यांनी २०२० मध्ये ६.६ मिलियन अमेरिकन डॉलर मोजून हवेली खरेदी केली होती. या हवेलीत अनेक आलिशान सुविधा आहेत. ७६६ चौरस मीटरवर पसरलेल्या हवेलीत एक सिनेमागृह, हिटेड पूल अशी सोयी आहेत. या हवेलीतून सिडनीमधील बंदराचं मनोहारी दृश्य दिसतं. या घराच्या दुरुस्तीवर स्मिथ आणि त्याच्या पत्नीनं ५६० हजार अमेरिकन डॉलर खर्च केले होते. त्यामुळे या हवेलीसाठीच्या लिलावाची बोली ११.५ मिलियन अमेरिकन डॉलरपासून सुरू झाली.
सध्या स्टिव्ह स्मित श्रीलंकेविरुद्ध खेळत आहे. ऑस्ट्रेलिया आणि श्रीलंका यांच्यात दोन कसोटी सामन्यांची मालिका सुरू आहे. पहिला सामना ऑस्ट्रेलियानं १० गडी राखून जिंकला. पहिल्या डावात स्मिथ धावबाद झाला. त्याला मोठी खेळी साकारता आली नाही. दुसऱ्या डावात त्याला फलंदाजीची संधी मिळाली नाही. त्यामुळे दुसऱ्या कसोटीत मोठी खेळी उभारण्याचा स्मिथचा मानस आहे. ऑस्ट्रेलियन संघातील प्रमुख फलंदाज अशी स्मिथची ओळख आहे. तो चौथ्या क्रमांकावर फलंदाजीला येतो.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : steve smith sold his sydney mansion for a whopping 65 crore, takes home the profit of 30 crore
Marathi News from Maharashtra Times, TIL Network
Marathi News from Maharashtra Times, TIL Network
