Manpada Police : डोंबिवलीतील टिळक नगर पोलीस स्टेशनच्या हद्दीत १०० तोळे सोने चोरी झाल्याची घटना ३१ मे रोजी घडली होती. याप्रकरणी मानपाडा पोलिसांनी आरोपी अभिजित रॉय हा अट्टल गुन्हेगार असून मानपाडा पोलिसांनी याला आरोपीला भायखळा कामाठीपुरा येथून अटक केली आहे.

 

Police arrest Abhijit Roy for stealing 100 ounces of gold Thane Dombivali Crime News
अट्टल गुन्हेगाराने घरातून तब्बल १०० तोळे सोनं केलं लंपास, मात्र सीसीटीव्हीमुळे पोलिसांच्या जाळ्यात अडकलाच!

हायलाइट्स:

  • मानपाडा पोलिसांनी आरोपीकडून ७१२ ग्रॅम वजनाचे दागिने केले हस्तगत
  • आरोपीला भायखळा कामाठीपुरा येथून केली अटक
  • ३१ मे रोजी केली होती चोरी
डोंबिवली : डोंबिवलीतील टिळक नगर पोलीस स्टेशनच्या हद्दीत १०० तोळे सोने चोरी झाल्याची घटना ३१ मे रोजी घडली होती. यातील आरोपी अभिजित रॉय हा अट्टल गुन्हेगार असून मानपाडा पोलिसांनी याला आरोपीला भायखळा कामाठीपुरा येथून अटक करत त्याच्याकडून तब्बल ७१२ ग्रॅम वजनाचे दागिने हस्तगत करण्यात आले आहेत.

डोंबिवलीत राहणारे अमित झोपे काही कामानिमित्त ३१ मे रोजी पुणे येथे गेले होते. त्यावेळी त्यांच्या घराला टाळे असल्याने आरोपी अभिजित रॉय याने यांचा फायदा घेत स्क्रूड्राइवरच्या साहाय्याने टाळं तोडत घरात प्रवेश करून कपाटातील १०० तोळे दागिने चोरून पळ काढला. या संदर्भातील तक्रार अमित झोपे यांनी टिळकनगर पोलीस ठाण्यात दाखल केली होती. याअनुषंगाने डोंबिवलीचे सहायक आयुक्त सुनील कुराडे आणि मानपाडा पोलीस स्टेशनचे वरिष्ठ पोलीस निरीक्षक शेखर बागडे यांच्या मार्गदर्शनाखाली पोलीस निरीक्षक बाळासाहेब सहायक पोलीस निरीक्षक अविनाश वणवे, सहायक पोलीस निरीक्षक सुनील तारमळे यांच्या पथकाने सीसीटीव्हीच्या साहायाने आरोपीचा तपास सुरू केला. तपास करत आरोपी अभिजित रॉय याला भायखळा कामाठीपुरा येथून अटक केली असून त्याच्याकडून चोरी केलेल्या दागिन्यांपैकी ७१२ ग्रॅम सोने आणि २५८ ग्रॅम चांदीचे दागिने असा तब्ल ३६ लाख ६० हजराचा किंमतीचा मुद्देमाल हस्तगत केला आहे.

आजारपणाचा गैरफायदा घेत स्वपक्षीयांचा दगाफटका, आदित्य ठाकरेंचा बंडखोरांवर हल्लाबोल
आरोपी हा मुबंईहुन लोकलने प्रवास करून येत असे आणि वॉचमन नसलेल्या इमारतींना लक्ष करत असे तसेच अटक केलेला आरोपी हा सोन्याचे दागिने गाळण्याचे काम करत असून त्यात त्याला नुकसान झाले असल्याने घरफोडी करण्याचा मार्ग स्वीकारत नुकसान भरून काढण्याचा प्रयत्न करत असल्याचे पोलीस तपासात उघड झाले आहे. यातील अट्टल आरोपी अभिजित रॉय याच्यावर डोंबिवलीतील ६ घरफोडीचे गुन्हे दाखल आहे. तर इम्रान खान आणि रियाज खान यांच्यावर ४ घरफोडीचे गुन्हे दाखल असल्याची माहिती कल्याण परिमंडळ- ३चे पोलीस उपायुक्त सचिन गुंजाळ यांच्याकडून देण्यात आली आहे.

Rain Forecast : मुंबईसाठीचा ‘रेड अॅलर्ट’ फुसका ठरला!; आज पुण्यासह या जिल्ह्यांना रेड अॅलर्ट

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : police arrest abhijit roy for stealing 100 ounces of gold thane dombivali crime news
Marathi News from Maharashtra Times, TIL Network

LEAVE A REPLY

Please enter your comment!
Please enter your name here