परभणी : राज्यात सर्वत्र पावसाचा जोर वाढला आहे. त्यात आता मागील दोन दिवसांपासून परभणीत रिमझिम सुरू असलेल्या पावसाने आज शनिवारी जोर धरला आहे. इजेगाव रस्ता वाहून गेल्यामुळे सोनपेठ -परळी मार्गावरील वाहतूक पूर्णपणे बंद झाली आहे. त्यामुळे वाहनधारकांना प्रचंड गैरसोयीचा सामना करावा लागत आहे. तर पालम तालुक्यातील तब्बल १४ गावांचा संपर्क तुटला आहे. त्यामुळे ग्रामीण भागातील नागरिक हे तिथेच अडकून पडले आहेत. सोनपेठ – परळी मार्गावरील वाहतूक सुरळीत करण्यासाठी प्रयत्न केले जात आहेत. रस्ता वाहून गेल्यामुळे वाहनांच्या रांगा लागल्या होत्या.

तब्बल १४ गावांचा संपर्क तुटला

परभणी जिल्ह्यामध्ये बुधवारपासून पावसाने सर्व दूर हजेरी लावली आहे. शुक्रवारी रात्रीपासून पावसाचा जोर वाढला आहे तो आज शनिवारी कायमच आहे. त्यामुळे पालम तालुक्यातील नद्या दुथडी भरून वाहत असल्याने १४ गावांचा संपर्क तुटला आहे. परिणामी ग्रामीण भागातील नागरिकांना पालम शहरात जाण्यासाठी पर्याय नसल्याने ते गावातच अडकून पडले आहेत.

कोकणासह ‘या’ चार जिल्ह्यांना हाय अलर्ट; रस्ते प्रवासासाठी विशेष खबरदारीचा इशारा
सोनपेठ – परळी मार्गावरील वाहतूक पूर्णपणे बंद

त्यातच आता सोनपेठ ते परळी मार्गावरील इजेगाव जवळ रस्ता वाहून गेला असल्याने सोनपेठ – परळी मार्गावरील वाहतूक बंद झाली आहे. परिणामी वाहनधारकांना प्रचंड गैरसोयीचा सामना करावा लागत आहे. तर अनेक वाहनधारक पर्यायी मार्गाने वाहतूक करत असल्याची माहिती मिळत आहे. मागील दोन दिवसांपासून पडत असलेल्या पावसामुळे परभणी जिल्ह्यातील बळीराजा मात्र सुखावला आहे. काही शेतकऱ्यांच्या पेरण्या अद्यापही बाकी आहेत त्यामुळे ते शेतकरी पाऊस कधी थांबेल याची वाट बघत आहेत.

हिंगोलीत ढगफुटी सदृश्य पाऊस, मुख्यमंत्र्यांकडून आढावा, नागरिकांना सुरक्षित स्थळी हलवण्याचे निर्देश

LEAVE A REPLY

Please enter your comment!
Please enter your name here