वेगळ्या रंगाचे जर बोकड मिळाले तर त्यासाठी लाखोंची किंमत मोजली जाते. करोनाचे सावट दूर झाल्याने तब्बल दोन वर्षांनंतर हा सण मोकळेपणे साजरा होत आहे. बकरी ईद निमित्त बोकडांना चांगलीच मागणी आलीय.
हायलाइट्स:
- बकरी ईदसाठी बोकडांची खरेदी
- चंद्रकोर असलेल्या बोकडांना मागणी
- बोकडांसाठी लाखांची बोली
बीडच्या परळीतील कन्हेरवाडी इथले बाबा फड यांच्या बोकडावर तब्बल तीन ते चार लाख रुपयांची बोली लागली आहे. या बोकडाचे वैशिष्ट्य म्हणजे बोकडाच्या कपाळावर चांद आहे. त्यामुळेच बाजारात याला चांगली मागणी आलीय. बाबा फड यांनी या बोकडाचे नाव दैवत ठेवलं असून बोकडाच्या संगोपनासाठी त्यांना दिवसाला साडेतीनशे रुपयांचं खाद्य लागते. उद्या बकरी ईद असल्याने फड यांच्या बोकडाला चांगलीच मागणी आली. तर हे बोकड पाहण्यासाठी परिसरातील ग्रामस्थ आवर्जून येथे येत आहेत.
मोबाईल नाही हो, चोरट्यांनी चक्क मोबाईलचे ३ टॉवर पळवले; चोरीची पद्धत पाहून पोलीस चक्रावलेबकरी ईद म्हटलं की देशभरामध्ये दरवर्षी वेगवेगळ्या बोकडांची चर्चा रंगते. कोणाच्या पाठीवर चंद्र असतो, तर कोणाच्या डोक्यावर चंद्र असतो. यामुळे बोकडांना बाजारात मोठी मागणी असते. अशा प्रकारचे बोकड हे लाखो रुपयांना विकले जातात. चार वर्षांपूर्वी सोलापूरमधील एक बोकड तब्बल २० लाखांना विकला गेला होता. त्या बोकडावर देखील अशा पद्धतीची चंद्रकोर असल्याने या बोकडाला इतकी किंमत आली आणि तशाच प्रकारे आता या परळीतील बोकडाची किंमत वाढताना पाहायला मिळत आहे. उद्या बकरी ईदच्या मुहूर्तावर या बोकडाला विकत घेण्याची अनेक जणांची इच्छा आहे. अनेक जण या बोकडासाठी लाखभर रुपये मोजायला तयार आहेत. मात्र अजून पाहिजे तितकी किंमत आली नसल्याचं बोकडाचे मालक म्हणत आहेत.
‘त्या’ ५ कोटींचा वाद जीवावर बेतला; चंद्रशेखर गुरुजींच्या हत्येमागेचं कारण अखेर उघडकीसचंद्रकोर असल्याने नगरच्या बोकडाची चर्चा
अहमदनगरच्या पारनेर तालुक्यातील ढोकी येथे बोकडाच्या कपाळावर चांद असल्यामुळे चांगली मागणी आलीय. आतापर्यंत २ लाख रुपयांची मागणी आल्याचं बोकडाचे मालक भुसारे यांनी सांगितले. हे बोकड १८ महिन्यांचे त्याचे वजन ५० किलो इतके आहे. सध्या त्याला गहू, बाजरी, पेंड असा खुराक सुरू आहे. बकरी ईद जवळ आल्याने या बोकडाला मोठी मागणी आहे. त्याला पाहण्यासाठी परिसरातील नागरिकांमध्ये उत्सुकता दिसते. बोकडाचे मालक असलेले भुसारे हे शेतकरी असून त्यांच्याकडे मोठ्या प्रमाणात मेंढ्या आहेत. त्यासोबतच त्यांनी काही शेळ्यादेखील पाळल्या आहेत. त्यात एका बोकडावर चंद्रकोर असल्याचं त्यांच्या लक्षात आले. त्या बोकड्याचे नाव भुसारे यांना चंद्या ठेवले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : bakri eid goat having moon sign in demand people ready to pay lakhs of rupees
Marathi News from Maharashtra Times, TIL Network
Marathi News from Maharashtra Times, TIL Network
