उत्तर प्रदेशच्या देवरिया जिल्ह्यात एका चिमुरड्याची अपहरणानंतर हत्या करण्यात आली आहे. या प्रकरणी चिमुरड्याच्या शिक्षकांचा मुलगा, सून आणि नातवाला अटक करण्यात आली आहे. ६ वर्षांच्या निष्पाप मुलाचा मृतदेह शिक्षकाच्या घरातच आढळून आला.

 

​pubg game addicted killed an innocent boy​

पब्जीवेड्या तरुणानं केली चिमुरड्याची हत्या

हायलाइट्स:

  • पब्जीचं व्यसन जडलेल्या तरुणानं केला खून
  • आजी आजोबांना अडकवण्यासाठी चिमुरड्याची हत्या
  • हत्या प्रकरणात तिघांना अटक
देवरिया: उत्तर प्रदेशच्या देवरिया जिल्ह्यात एका चिमुरड्याची अपहरणानंतर हत्या करण्यात आली आहे. या प्रकरणी चिमुरड्याच्या शिक्षकांचा मुलगा, सून आणि नातवाला अटक करण्यात आली आहे. ६ वर्षांच्या निष्पाप मुलाचा मृतदेह शिक्षकाच्या घरातच आढळून आला. पब्जी खेळण्याचं व्यसन जडलेल्या नातवानं आपल्या आजोबांना अडकवण्यासाठी चिमुरड्याची हत्या केली. पोलिसांनी काही तासांमध्ये हत्येचं गूढ उकललं.

लार पोलीस ठाण्याच्या हद्दीत असलेल्या हरखौली गावात हा प्रकार घडला. हरखौलीचे ग्रामस्थ असलेल्या गोरख यादव यांचा ६ वर्षांचा मुलगा गेल्या बुधवारी गावातच वास्तव्यास असलेले वृद्ध शिक्षक नरसिंह विश्वकर्मा यांच्या घरी शिकवणीसाठी गेला होता. मात्र तो परतला नाही. कुटुंबीयांनी त्याचा शोध घेण्याचा प्रयत्न केला. पण तो सापडला नाही.
मोबाईल नाही हो, चोरट्यांनी चक्क मोबाईलचे ३ टॉवर पळवले; चोरीची पद्धत पाहून पोलीस चक्रावले
काही वेळानंतर गावाच्या बाहेर असलेल्या शेतात एक पत्र सापडलं. मुलाच्या सुटकेसाठी ५ लाख रुपये द्या असा मजकूर त्यात होता. याची माहिती स्थानिक पोलिसांना देण्यात आली. त्यानंतर पोलिसांनी गाव गाठलं आणि तपास सुरू केला. मात्र मुलाचा शोध लागला नाही.

संशय आल्यानं पोलिसांनी शिक्षकांचा मुलगा राजकुमारची रात्री उशिरा चौकशी सुरू केली. लहान मुलाचा मृतदेह घराच्या शौचालयात असल्याची माहिती चौकशीतून समोर आली. वृद्ध शिक्षकाचा नातू अरुण विश्वकर्मानं (२० वर्षे) मुलाचं अपहरण केलं होतं. त्यानं आवाज करू नये म्हणून त्याचे ओठ फेविक्विकनं बंद केले. त्यानंतर त्याचे हात-पाय बांधले. त्याला मारहाण केली. याच मारहाणीमुळे मुलाचा जीव गेला. अरुणनं मुलाचा मृतदेह घराबाहेर असलेल्या शौचालयात लपवला. पोलिसांनी रात्री उशिरा मृतदेह ताब्यात घेतला.
याला म्हणतात नशीब! चोरीची दुचाकी घेऊन पाहुण्यांच्या गावी गेले अन् थेट तुरुंगात पोहोचले
अरुण विश्वकर्मा कोणतंही काम करायचा नाही. तो सट्ट्यात पैसे लावायचा. त्याला पब्जी खेळण्याचं व्यसन असल्याची माहिती चौकशीतून उघडकीस आली. आजी, आजोबा (शिक्षक आणि त्यांची पत्नी) अरुणला सतत ओरडायचे. त्याला पैसे द्यायचे नाहीत. त्यामुळेच आजोबांना अडकवण्यासाठी अरुणनं त्यांच्याकडे शिकवणीसाठी आलेल्या ६ वर्षांच्या मुलाची निर्घृणपणे हत्या केली. आजी आजोबांना तुरुंगवारी घडावी या हेतूनं अरुणनं हे कृत्य केलं. अरुणच्या कृत्याची कल्पना त्याच्या आई, वडिलांना होती. मात्र त्यांनी हे प्रकरण लपवून ठेवत अरुणला मदत केली.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : pubg game addicted killed an innocent boy by sticking his mouth with feviquick
Marathi News from Maharashtra Times, TIL Network

LEAVE A REPLY

Please enter your comment!
Please enter your name here