महागाईमुळे तेलाचे दर आभाळाला भिडले आहेत. अशा स्थितीत जमिनीवर तूप वाहताना दिसल्यास कोण सोडेल? राजस्थानच्या सिरोही जिल्ह्यात याचाच प्रत्यय आला. एका दुर्घटनेमुळे ग्रामस्थांना फुकटात तूप मिळालं. हे तूप गोळा करण्यासाठी अख्खा गाव लोटला.

 

​ghee filled tanker overturned
रस्त्यावर सांडलेलं तूप गोळा करण्यासाठी ग्रामस्थांची गर्दी
सिरोही: महागाईमुळे तेलाचे दर आभाळाला भिडले आहेत. अशा स्थितीत जमिनीवर तूप वाहताना दिसल्यास कोण सोडेल? राजस्थानच्या सिरोही जिल्ह्यात याचाच प्रत्यय आला. एका दुर्घटनेमुळे ग्रामस्थांना फुकटात तूप मिळालं. हे तूप गोळा करण्यासाठी अख्खा गाव लोटला.

हाती लागेल ते भांडं घेऊन ग्रामस्थ तूप गोळा करायला पोहोचले. स्वरुपगंज पोलीस ठाण्याच्या हद्दीत हा प्रकार घडला. या ठिकाणी शनिवारी एक टँकर उलटला. गांधीधामहून रुद्रपूरला जाणाऱ्या टँकरवरील चालकाचं नियंत्रण सुटलं आणि टँकरनं दुभाजकाला धडक दिली. अपघातानंतर टँकर उलटला.
‘या’ मुख्यमंत्र्यांच्या निकटवर्तीयावर ईडीची धाड; सापडलं पैशांचं घबाड; अधिकारी चक्रावले
अपघातानंतर टँकरचं इंजिन आणि केबिनवाला भाग वेगळा झाला. तो रस्त्यापासून दूर १०० मीटर अंतरावर जाऊन पडला. टँकर शेतात पडल्यानंतर त्याच्यामध्ये असलेलं तूप वाहून जाऊ लागलं. याची माहिती जवळच्या लोकांनी मिळाली. त्यानंतर तिथे ग्रामस्थांची तोबा गर्दी जमली.
बायकोला अंधारात ठेवून प्रेयसीसोबत मालदिव गाठलं; पण ‘वेगळ्याच’ कारणामुळे पोहोचला तुरुंगात
हातात बादली, बाटली, कॅन घेऊन अनेकांनी अपघातस्थळ गाठलं. विशेष म्हणजे पोलीस घटनास्थळी पोहोचल्यानंतरही ग्रामस्थ तूप गोळा करत होते. थोड्या वेळानं पोलिसांनी ग्रामस्थांना पिटाळून लावलं. अपघातस्थळी क्रेन बोलावण्यात आली आणि टँकर हायवेवरून हटवण्यात आला.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ghee filled tanker overturned in rajasthan people absconding after filling utensils
Marathi News from Maharashtra Times, TIL Network

LEAVE A REPLY

Please enter your comment!
Please enter your name here