मुख्यमंत्री शिंदे यांच्या हस्ते सपत्नीक विठ्ठलाची महापूजा; विठ्ठलनामाच्या गजराने अवघे पंढरपूर दुमदुमले
मुंबईत एकीकडे काँक्रीटीकरण वाढत असताना, पावसाळ्यात पाणी तुंबण्याची समस्या निर्माण होते आहे. डांबरी रस्ते ही जमिनीत पाणी मुरण्यास उपयुक्त ठरतात, मात्र या रस्त्यांवर मोठ्या प्रमाणात खड्डे पडत असल्याने पालिकेने काँक्रीटीकरणाचा पर्याय काढला आहे. काँक्रीटीकरणाने रस्ते बळकट होत असून, खड्डे पडण्याचे प्रमाण कमी झाले असले, तरी जमिनीत पाणी मुरण्यास जागा शिल्लक राहत नाही. त्यामुळे पाणी साचण्याचा नवी ठिकाणे निर्माण होत आहेत. पाणी उपसा करण्यासाठी कोट्यवधी रुपये खर्च करून ठिकठिकाणी भूमिगत टाक्या बांधल्या जात आहेत.
वरुणराजाची अखंड बरसात आणि लाखो वारकऱ्यांच्या महासागराने विठुरायाची पंढरी फुलली
यावर पर्याय म्हणून रस्त्यांच्या कडेला डांबरी किंवा मातीचा पट्टा ठेवल्यास त्यातून जमिनीत पाणी मुरण्यास वाव मिळेल अशी मागणी नागरिकांकडून केली जाते आहे.
इतर सरकारी यंत्रणाकडे करा तक्रार
मुंबईत मुंबई महानगर प्रदेश विकास प्राधिकरण, महाराष्ट्र राज्य रस्ते विकास महामंडळ, सार्वजनिक बांधकाम विभाग, रेल्वे, खासगी लेआउट याप्रमाणेच इतरही शासकीय प्राधिकरणांच्या अखत्यारित काही रस्ते आहेत. या रस्त्यांची देखभाल करण्याची जबाबदारी संबंधित प्राधिकरणांची असते. त्यामुळे पालिका प्रशासनाच्या वतीने या प्राधिकरणांच्या रस्त्यांवरील खड्ड्यांसाठी संबंधित प्राधिकरणाकडे तक्रार नोंदवण्याचे आवाहन पालिकेने आहे.
