santosh banger, शिवसेनेचा बंडखोरांना झटका; संतोष बांगर आणि उदय सामंतांच्या समर्थकांवर कारवाई – shivsena uddhav thackeray take action on eknath shinde camp santosh banger and mla uday samant supporters

मराठवाड्याच्या हिंगोली जिल्ह्यातील कळमनुरीचे आमदार संतोष बांगर हे अनेक नाट्यमय घडामोडी करून बंडखोर एकनाथ शिंदे यांच्या गटात गेले होते.बहुमत चाचणीच्या दिवशी ते एकनाथ शिंदे यांच्या सोबत दिसून आले होते. त्यामुळे शिवसेनेला धक्का बसला होता. संतोष बांगर हे मागील १२ ते १३ वर्षांपासून हिंगोली शिवसेना जिल्हाप्रमुख पदावर होते. त्यांना २०१९ साली शिवसैनिकांनी कळमनुरी मतदार संघातून आमदार केले. राज्यात एकनाथ शिंदे यांनी मोठी बंडखोरी केली.त्यावेळी संतोष बांगर मातोश्री सोबत होते,पण एकनाथ शिंदे गटाने व्हीप बजाविल्यानंतर मात्र आपली आमदारकी जाते की काय या भीतीपोटी संतोष बांगर एकनाथ शिंदे यांना फोन करून स्वतःहून शिंदे गटात सहभागी झाले होते.
आता शिवसेनेच्या खासदारांचा नंबर; एकनाथ शिंदेंना पाठिंबा देणार, भाजप खासदाराने थेट सांगितला आकडा
बहुमत चाचणीला एकनाथ शिंदे गटाच्या बाजूने मतदान करीत पक्षविरोधी कारवाई केल्याने शिवसेना पक्षप्रमुख उद्धव ठाकरे यांच्या आदेशाने संतोष बांगर यांची हिंगोली जिल्हाप्रमुख पदावरून हकालपट्टी करण्यात आली आहे. शिवसेनेचे मुखपत्र असलेल्या ‘सामना’तून ही माहिती देण्यात आली आहे. सुरुवातीला उद्धव ठाकरे सोबत असताना हेच संतोष बांगर बंडखोरांनी पुन्हा परत यावं म्हणून रडले होते. याच संतोष बांगर यांनी बंडखोर आमदारांच्या ‘बायका एक दिवस त्यांना सोडून जातील’,’त्यांचे मुलं मुंजे मरतील’,’गद्दाराच्या मुलांना कोण बायका देणार?’, असे म्हणत बंडखोर आमदारांना दीडशे ते दोनशे कोटी रुपयांच्या ऑफर मिळत असल्याचा गौप्यस्फोट केला होता. मात्र, ऐनवेळी आमदार बांगर शिंदे गटात गेल्याने त्यांना नेटकऱ्यांनी प्रचंड टोल केले होते.