Maharashtra Politics | एकनाथ शिंदे यांनी शिवसेनेचे ४० आमदार फोडले आहेत. त्यामुळे शिवसेना पक्ष बिकट अवस्थेत सापडला आहे. सध्या उद्धव ठाकरे आणि आदित्य ठाकरे हे ग्राऊंडवर उतरून शिवसेना पुन्हा बांधण्यासाठी जोरदार प्रयत्न करत आहेत. या पार्श्वभूमीवर आता राज ठाकरे महाराष्ट्रातील या सगळ्या राजकीय नाट्यासंदर्भात काय भूमिका घेतात, हे पाहावे लागेल.
हायलाइट्स:
- मनसे पक्ष आणि भाजपमधील जवळीक वाढली
- राज ठाकरेही उद्धव ठाकरेंच्या मार्गावर
- मनसेच्या कार्यकर्त्यांशी ऑनलाईन संवाद साधणार
एकनाथ शिंदे यांनी शिवसेनेचे ४० आमदार फोडले आहेत. त्यामुळे शिवसेना पक्ष बिकट अवस्थेत सापडला आहे. सध्या उद्धव ठाकरे आणि आदित्य ठाकरे हे ग्राऊंडवर उतरून शिवसेना पुन्हा बांधण्यासाठी जोरदार प्रयत्न करत आहेत. या पार्श्वभूमीवर आता राज ठाकरे महाराष्ट्रातील या सगळ्या राजकीय नाट्यासंदर्भात काय भूमिका घेतात, हे पाहावे लागेल.
निष्ठेने राहिलात, तुमच्यामुळे शिवसेनेला बळ मिळाले! उद्धव ठाकरेंचं आमदारांना भावनिक पत्र, जसंच्या तसंराज्यातील सत्तांतरापूर्वी राज ठाकरे यांचा मनसे पक्ष आणि भाजपमधील जवळीक वाढली होती. एकनाथ शिंदे यांनीही बंड केल्यानंतर राज ठाकरे यांच्याशी फोनवरुन संवाद साधला होता. तर मनसेच्या एकमेव आमदाराने विधानसभा अध्यक्षपद निवडणूक आणि विश्वासदर्शक ठरावावेळी शिंदे-फडणवीस सरकारच्या बाजूने मतदान केले होते. स्थानिक स्वराज्य संस्थांच्या निवडणुकांमध्ये शिवसेना आणि मनसे हे नेहमीच परस्परांचे कट्टर प्रतिस्पर्धी राहिले आहेत. मात्र, आता शिवसेना खिळखिळी झाल्यानंतर आगामी निवडणुकांमध्ये मनसे याचा फायदा घेऊन आपला विस्तार करणार का, हे पाहावे लागेल.
शिवसेनेला शह देण्यासाठी आदित्य ठाकरे यांचे ड्रीम प्रोजेक्ट रोखणार; भाजपने रचला डाव?
मनसेच्या आमदाराला शिंदे-फडणवीस सरकारमध्ये मंत्रीपद मिळण्याची शक्यता
मनसेचे एकमेव आमदार राजू पाटील यांना शिंदे-फडणवीस सरकारमध्ये मंत्रीपद मिळणार असल्याची चर्चा आहे. या माध्यमातून स्थानिक स्वराज्य संस्थांच्या निवडणुकीत भाजप, एकनाथ शिंदे गट आणि मनसे असे समीकरण जुळवण्याचे मनसुबे आखले जात आहेत. मात्र, ‘रिपाई’चे सर्वेसर्वा रामदास आठवले यांनी मनसेच्या आमदाराला मंत्रिपद देण्यास विरोध दर्शवला आहे. राज्यात शिंदे-फडणवीस सरकार स्थापन करण्यात मनसेचा कोणताही वाटा नाही. त्यामुळे मनसेला मंत्रिपद देऊ नये. त्याऐवजी रिपाईला एक मंत्रिपद आणि महामंडळ द्यावे, असा प्रस्ताव रामदास आठवले यांनी मांडला होता.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Marathi News from Maharashtra Times, TIL Network
