मुंबई: ‘रानबाजार’ या मराठी वेब सीरिजची प्रचंड चर्चा झाली. या सीरिजमधील कलाकारांचंही प्रचंड कौतुक झालं. अभिनेत्री माधुरी पवार हिची भूमिका देखील लक्षवेधी ठरली. माधुरी या भूमिकेमुळं चर्चेत आली आहे. या सीरिजमधील भूमिका साकारणं तिच्या साठी मोठं आव्हान होतं, असं ती सांगते.

माधुरीनं या सीरिजमध्ये प्रेरणा साने पाटील ही भूमिका साकारली आहे. तिनं राजकारणातल्या महिलेची भूमिका साकारत दाद मिळविली. पण ही भूमिका साकारताना तिला सर्वात अवघड असं काही वाटलं असेल तर ते आहे प्रेरणा पाटीलचे संवाद. तिच्या तोंडात सतत शिव्या असतात. अश्लील भाषेचा वापर करणारी प्रेरणा साकारणं खरंच खूप अवघड होतं, असं ती म्हणतेय.

सीरिजमध्ये प्रेरणा पाटीलची एन्ट्री अत्यंत अश्लील भाषेत शिव्या देत होते. प्रेरणा ज्या व्यक्तीला शिव्या देते, व्यक्ती सीरिजचा दिग्दर्शक असेल तर, काय अवस्था झाली असेल, असं माधुरी म्हणतेय.

क्राईम पेट्रोल फेम अभिनेत्रीला लाखोंचा गंडा, व्हॉट्सअॅपवर ‘ती’ लिंक ओपन केली अन्…


‘रानबाजार’ सीरीजमधल्या भूमिकेबद्दल माधुरी आणखी म्हणाली की , ‘छोट्या कलाकाराला मोठी संधी मिळणं फार महत्त्वाचं असतं. मला अभिजित पानसे यांच्याकडून अशी संधी मिळाली. त्यांनी माझे व्हिडिओ पाहिले होते. पानसेसरांचा मेसेज आल्यावर मी पुण्यात त्यांना भेटले. सोशल मीडियाची ही चांगली बाजू आहे. मला त्यांनी राजकारणातल्या स्त्रीची भूमिका करायची आहेस, असं सांगितलं आणि कथा ऐकवली.
‘पिल्लू निघालं वैमानिक व्हायला’…लेकीला बाय करताना शरद पोंक्षे भावुक
भूमिकेसाठी शिव्या द्यायच्या आहेत हे कळल्यावर मी अवाक् झाले. सोशल मीडियावरच्या मुलीला महत्त्वाची भूमिका देतोस अशी अनेकांची प्रतिक्रिया असूनही त्यांनी ही भूमिका माझ्यावर विश्वास ठेवून दिली, त्यासाठी मी ऋणी आहे. या संधीनंतरही माधुरी प्रेक्षकांसमोर कलावंत म्हणूनच येत राहील.’

LEAVE A REPLY

Please enter your comment!
Please enter your name here