nitin raut, चिखलात अडकली शाळकरी विद्यार्थ्यांची रिक्षा, काँग्रेसच्या माजी मंत्र्याचा ‘दे धक्का’ – former minister and congress mla nitin raut pushes auto rickshaw stuck on mud

आज नागपुरात आश्चर्याचा सुखद धक्का देणारी ही घटना घडली. आपल्या मतदार संघात कामाची पाहणी करण्यासाठी फिरणारे आमदार आणि माजी मंत्रीच शाळेत जाणाऱ्या मुलांच्या ऑटो रिक्षाला धक्का द्यायला धावले आणि उपस्थितांना आश्चर्याचा धक्काच बसला.
वाह रे पठ्ठ्या! आई-बापानं कधी शाळा नाही पाहिली; पोराला अमेरिकेची अडीच कोटींची स्कॉलरशिप
ऊर्जामंत्री आणि नागपूर जिल्ह्याच्या पालकमंत्रीपदाच्या जबाबदारीतून मुक्त झालेल्या डॉ. नितीन राऊत यांनी आपल्या उत्तर नागपूर मतदारसंघाचा दौरा सुरू केला आहे. या दौऱ्यात जनतेच्या अडीअडचणी समजून घेवून त्यांच्या सुखदुःखात ते सहभागी होत आहेत. मतदारसंघात सुरू असलेल्या विकासकामांचा आज आढावा घेत असतानाच नागरिकांच्या दैनंदिन व्यवहारात अगदी कुटुंबातील सदस्याप्रमाणे ते सामील झाले आहेत.
अरे रिक्षा आहे की बस? तब्बल २७ प्रवासी बाहेर पडले; मोजता मोजता पोलीस चक्रावले
डॉ. नितीन राऊत यांनी सोमवारी यादवनगर भागातील भीम चौकात भेट दिली. त्यावेळी पावसामुळे झालेल्या चिखलात शालेय मुलांना घेऊन जाणारी ऑटोरिक्षा अडकून पडलेली त्यांना दिसली. त्यानंतर राऊत यांनी कारमधून खाली उतरून ऑटोरिक्षावाल्याला मदतीचा हात दिला. इतकेच नव्हे तर आपल्या कार्यकर्त्यांसोबत स्वतः ऑटोरिक्षाला धक्का देऊन ती चिखलातून बाहेर काढली.

चक्क स्थानिक आमदार आणि राज्याचे माजी ऊर्जा मंत्री ऑटोला धक्का देत आहेत हे पाहून परिसरातील लोकही आश्यर्यचकित झाले. रिक्षा पुन्हा धावू लागताच ऑटोरिक्षातील विद्यार्थ्यांनी सुटकेचा निःश्वास सोडला. शाळकरी मुलांच्या चेहऱ्यावर फुललेले हसू पाहून डॉ. राऊत यांच्याही चेहऱ्यावर आनंद दिसून आला.