नाशिक : नाशिक जिल्ह्यात जोरदार पाऊस सुरू ( Nashik Flood News ) आहे. धरणांच्या पाणलोट क्षेत्रात पाऊस होत असल्याने धरणे भरत आहेत. तर नद्यांना पूर आला आहे. गंगापूर धरणातून पाण्याचा मोठ्या प्रमाणात विसर्ग करण्यात येत आहे. गोदावरी नदीपात्रात हे पाणी सोडण्यात येत असल्याने गोदावरीला मोठा पूर आहे. प्रशासनाने नदीकाठच्या नागरिकांना आणि गावांना सतर्कतेचा इशारा दिला आहे.

नाशिक जिल्ह्याला हवामान विभागाने पुढील तीन दिवस मुसळधार पावसाचा इशारा दिला आहे. गेल्या तीन दिवसांपासून नाशिक जिल्ह्यात धरणांच्या पाणलोट क्षेत्रात जोरदार पाऊस पडतोय. त्र्यंबकेश्वारमध्ये तर अतिवृष्टी झाली आहे. मुसळधार पावसामुळे गंगापूर धरणात पाणी वेगाने येत असल्याने धरणातून विसर्ग वाढवण्यात आला आहे. आता हा विसर्ग १० हजार क्युसेकवर गेल्याने गोदावरीला पूर आला आहे.

नाशिक शहरातून वाहणाऱ्या आणि दक्षिणेतील गंगा अशी ओळख असलेल्या गोदावरीला यंदाचा प्रथमच मोठा पूर आला आहे. गोदावरी नदीपात्रातील दुतोंड्या मारुती हा पूर्णपणे बुडाला आहे. या पार्श्वभूमीवर पूरस्थितीचा धोका वाढल्याने पोलिस, महापालिका, आपत्ती व्यवस्थापन, अग्निशमन दलाची पथके गोदाकाठी तैनात करण्यात आले आहेत.

nashik godavari river flood news

नाशिकमध्ये गोदावरी नदीला मोठा पूर

महापालिका आयुक्तांककडून पाहणी

नाशिक शहरात गोदाकाठच्या बाजारपेठेत पुराचे पाणी घुसले आहे. मनपा आयुक्त रमेश पवार यांनी स्वतः गोदाकाठी जाऊन पाहणी केली. तसंच गणेशवाडी शाळेत स्थलांतरीत नागरिकांची व्यवस्था करण्यात आली आहे. गोदाकाठच्या नागरिकांना सतर्कतेचा इशारा देण्यात आला आहे, अशी माहिती मनपा आयुक्त पवार यांनी दिली.

nashik godavari river flood news

नाशिकमध्ये गोदावरी नदीला मोठा पूर

आपत्ती प्रतिसाद दल नाशिकसाठी रवाना

गोदावरीची पाणी पातळी वाढल्याने नदीकाठच्या वस्त्यांमधील नागरिकांना सुरक्षित ठिकाणी हलवण्यात येत आहे. काझी गढीजवळील मोदकेश्वर वसाहतीत अडकलेल्या एका वृद्ध नागरिकांना महापालिका आणि अग्निशमन दलाने सुखरूप बाहेर काढले. त्यांची पर्यायी व्यवस्था केली जात आहे.

LEAVE A REPLY

Please enter your comment!
Please enter your name here