रांची: पती-पत्नीमधील भांडण घटस्फोटापर्यंत पोहोचलं. तू मला घटस्फोट दे. मग तुझ्यासमोर १० पुरुषांशी शारिरीक संबंध ठेवेन आणि तू काहीच करू शकणार नाही, अशी धमकी पत्नीनं पतीला दिली. त्यामुळे पती संतापला. त्यानं पत्नीची हत्या केली.

पत्नीची गळा आवळून हत्या केल्यानंतर पतीनं तिचा मृतदेह खोलीत आणला आणि त्याला गळफास लावला. यानंतर त्यानं पत्नीच्या आत्महत्येचा बनाव रचला आणि पोलिसांना तशी माहिती देत त्यांची दिशाभूल केली. पोलिसांनी घटनेचा तपास करून आरोपी पतीला अटक केली. छत्तीसगढच्या बेमेतरा जिल्ह्यात हा धक्कादायक प्रकार घडला.

सेमरिया परिसरात वास्तव्यात असलेल्या एका व्यक्तीनं दोन महिन्यांपूर्वी त्याच्या पत्नीच्या विरोधात तक्रार नोंदवली. पत्नीसोबत लखनऊसोबत कामासाठी गेलो असताना तिथे पत्नीला परपुरुषासोबत आक्षेपार्ह परिस्थितीत पकडल्याची तक्रार पतीनं दिली. यावरून पती आणि पत्नीमध्ये वाद झाला.
मी आजीला ठार केलंय, बघून घ्या! मित्रांना व्हिडीओ कॉल करून त्यानं मृतदेह दाखवला अन् मग…
५ जुलैला दोघे लखनऊहून दुर्गला आले. ६ जुलैला बेमेतराला पोहोचले. यानंतर पतीनं घटस्फोटाची तयारी सुरू केली. यानंतर ७ जुलैला १.३० च्या सुमारास दोघांचा वाद झाला. तुला घटस्फोट द्यायचा असेल तर द्या. मग मी याच घरात तुझ्यासमोर १० पुरुषांना बोलावून शारिरीक संबंध ठेवेन, अशी धमकी पत्नीनं दिली.

पत्नीच्या बोलण्यामुळे पती संतापला आणि त्यानं गळा आवळून पत्नीची हत्या केली. हत्येला आत्महत्या दाखवण्यासाठी त्यानं पत्नीला मृतदेह खोलीत आणला आणि गळफास तयार केला. साडीपासून तयार केलेला गळफास पंख्याला अडकवून पत्नीचा मृतदेह लटकवला. यानंतर त्यानं पोलीस ठाणं गाठलं आणि पत्नीनं आत्महत्या केल्याचं सांगितलं.
पब्जीवेड्या तरुणानं केला चिमुरड्याचा खून; आधी फेविक्विकनं तोंड बंद केलं, मग हात-पाय बांधले
पतीनं आत्महत्येची कहाणी रचली होती. पोलिसांनी त्याची उलट चौकशी केली. त्यानं दिलेल्या माहितीमध्ये विरोधाभास होता. अखेर पोलिसी खाक्या दाखवताच त्यानं गुन्ह्याची कबुली दिली. पोलिसांनी आरोपी पतीला अटक केली असून त्याच्याविरोधात पुरावे गोळा करण्याची प्रक्रिया सुरू आहे.

LEAVE A REPLY

Please enter your comment!
Please enter your name here