Sharad Pawar Cancer | डॉक्टर म्हणाले, तुमच्याकडे सहा महिन्याचं आयुष्य उरलं आहे. त्यावर मी त्याला सांगितलं, तू निवांत बैस, मी काही इतक्या लवकर जात नाही. पुढे हसत त्याला सांगितलं, अगदीच जर तू म्हणत असशील तर तुला पोहोचवल्यावरच मी जाईन, त्यामुळे तू माझ्याबद्दल असा काही उल्लेख करू नको. शरद पवारांनी सांगितला किस्सा.

 

Sharad Pawar NCP (2)
शरद पवार

हायलाइट्स:

  • संकटांवर मात करण्यासाठी प्रबळ इच्छाशक्ती गरजेची
  • शरद पवार यांनी आपण कर्करोगावर कशी मात केली, याची आठवण सांगितली
औरंगाबाद: मला २००४ साली कॅन्सरचे निदान झाले होते. त्यावेळी एका डॉक्टरांनी मला सांगितले होते की, ‘तुमच्याकडे शेवटचे सहा महिने उरलेत’. त्यावर मी डॉक्टरांशी पैज लावली होती. मी इतक्या लवकर जात नाही. तेव्हा २००४ साल होतं, आज २०२२ आहे, मी अजूनही जिवंत आहे. आजही आठवड्यातून चार दिवस बाहेर फिरतो. संकटांवर मात करण्यासाठी प्रबळ इच्छाशक्ती गरजेची असते. मग कोणत्याही आव्हानांना तोंड देता येते, असे मत राष्ट्रवादी काँग्रेसचे सर्वेसर्वा शरद पवार (Sharad Pawar) यांनी व्यक्त केले. ते सोमवारी मराठवाडा कॅन्सर रुग्णालयाच्या उद्घाटनप्रसंगी बोलत होते. (NCP chief Sharad Pawar speech in Aurangabad)
पवारांनी गडाखांना तिकीट देत विखेंना पाडलं, संघर्ष अजूनही धुमसता, १९९१ मध्ये काय घडलेलं?
यावेळी शरद पवार यांनी आपण कर्करोगावर कशी मात केली, याची आठवण सांगितली. २००४ साली मला कॅन्सरचं निदान झालं होतं. यावेळी एक डॉक्टर माझ्यावर उपचार करत होता. तेव्हा मी त्याला विचारलं, माझ्याकडे पाहून तुला काय वाटतं, मला काय झालं असेल? त्यावेळी तो म्हणाला, खरं सांगू का…, मोठे डॉक्टर तुम्हाला खरं सांगत नाहीत. पण मी तुम्हाला सांगतो. तुमची काही कामं राहिली असतील, तर ती करून घ्या. त्यावर मी त्याला विचारलं, नेमकं काय म्हणायचंय, मला समजलं नाही. त्यावर डॉक्टर म्हणाले, तुमच्याकडे सहा महिन्याचं आयुष्य उरलं आहे. त्यावर मी त्याला सांगितलं, तू निवांत बैस, मी काही इतक्या लवकर जात नाही. पुढे हसत त्याला सांगितलं, अगदीच जर तू म्हणत असशील तर तुला पोहोचवल्यावरच मी जाईन, त्यामुळे तू माझ्याबद्दल असा काही उल्लेख करू नको. तेव्हा २००४ साल होते आज २०२२ आहे, मी अजून जिवंत आहे, असे शरद पवार यांनी सांगितले.
मध्यावधी निवडणुका, शिवसेनेतील बंड, राज्यपालांची तत्परता ते नामांतर, शरद पवारांची टोलेबाजी
‘आषाढी एकादशीचा उपवास केलाय का?’

राज ठाकरे यांनी मध्यंतरी शरद पवार हे नास्तिक असल्याची टीका केली होती. या पार्श्वभूमीवर रविवारी औरंगाबादेत झालेल्या पत्रकारपरिषदेत शरद पवार यांना एक प्रश्न विचारण्यात आला होता. तुम्ही आषाढी एकादशीचा उपवास केलाय का, असा प्रश्न पवारांना विचारण्यात आला. या प्रश्नाला पवारांनी उत्तर दिलं. त्यानंतर उपस्थितांमध्ये एकच हशा पिकला. वर पवारांनी होकारार्थी उत्तर दिलं. सकाळी घरातून निघताना भगरचा फराळ करून निघाल्याचं पवारांनी सांगितले होते.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ncp chief sharad pawar says doctor told him you have only 6 months left after cancer
Marathi News from Maharashtra Times, TIL Network

LEAVE A REPLY

Please enter your comment!
Please enter your name here