solapur bjp leaders bedroom video: सोलापूर जिल्ह्यातील भाजपच्या बड्या नेत्याचा बेडरूमधील व्हिडीओ एका महिलेने सोशल मिडियावर व्हायरल केल्याने एकच खळबळ उडाली आहे. या व्हिडिओत एक महिला सुरुवातीला मोबाईल कॅमेऱ्यासमोर स्वतःचं नाव सांगताना दिसते. तिच्या गळ्यात मंगळसूत्रही दिसते.

 

solapur bjp leader
सोलापुरातील भाजप नेत्याचा व्हिडीओ व्हायरल
सोलापूर: जिल्ह्यातील भाजपच्या बड्या नेत्याचा बेडरूमधील व्हिडीओ एका महिलेने सोशल मिडियावर व्हायरल केल्याने एकच खळबळ उडाली आहे. या व्हिडिओत एक महिला सुरुवातीला मोबाईल कॅमेऱ्यासमोर स्वतःचं नाव सांगताना दिसते. तिच्या गळ्यात मंगळसूत्रही दिसते. ‘हा जो माणूस आहे, यानं मला फसवलं आहे. हा बायकोबरोबर संबंध ठेवून माझ्याशी संबंध ठेवतोय. लग्न करतोय हा,’ असा आरोप महिलेनं केला आहे. व्हिडीओमध्ये एक आलिशान बेडरूम दिसत असून बेडवर बसलेला नेतादेखील दिसत आहे.

महिलेनं अचानक मोबाईल कॅमेऱ्यात रेकॉर्डिंग सुरू केल्यानं भाजपचा नेता दचकतो. तो ताडकन बेडवरून उठतो आणि तिचा मोबाईल काढून घेण्याचा प्रयत्न करतो. भाजप नेत्याचा व्हिडीओ सोलापुरात सोशल मीडियावर प्रचंड व्हायरल झाला आहे. मंगळवारी सकाळपासून अनेक सोलापूरकरांच्या मोबाईलवर हा व्हिडीओ पाहायला मिळत आहे. व्हिडीओमध्ये भाजप नेता मोबाईलवरील चित्रिकरण बंद करण्यासाठी ढकलढकली करताना दिसतो. याचवेळी ती महिला म्हणते, ‘नाही. आता तू बघच.. तुला नाही सोडणार. तू माझ्याशी का खोटं बोलला. का खोटं बोलता ?’ महिला संतापाच्या भरात बोलत असताना कॅमेरा बंद होतो.

‘अस्सलाम अलैकुम’ राजनाथ सिंहांनी फोनवरुन डिवचलं, उद्धव यांचं ‘ठाकरी भाषेत’ उत्तर
सोशल मीडियावर व्हायरल होणारा हा व्हिडीओ सोलापुरातील नाही अशीही माहिती समोर आली आहे. मुंबई येथे काही दिवसांपूर्वी एका भाजप नेत्याने हनीट्रॅपबाबत तक्रार दाखल केली असल्याची माहिती समोर आली आहे. याबाबत संबंधित महिलेने पोलीस ठाण्यात फिर्याद दिली आहे का नाही, याची खात्रीलायक माहिती समोर आली नाही. संबंधित नेत्यानं भाजपचे प्रदेशाध्यक्ष चंद्रकांत पाटील यांच्याकडे राजीनामा पाठवला असून त्याचा राजीनामा स्वीकारण्यात आला आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : solapur bjp leaders bedroom video with women goes viral on social media
Marathi News from Maharashtra Times, TIL Network

LEAVE A REPLY

Please enter your comment!
Please enter your name here